________________
तित्थयरपुच्चभवणामधेजा] सुत्तागमे य तिवेया, जहा असुरकुमारा तहा वाणमंतरा जोइसियवेमाणिया वि ॥ २४४ ॥ ते णं काले णं ते णं समए णं कप्पस्स समोसरणं णेयव्वं, जाव गणहरा सावचा निरवच्चा वोच्छिण्णा ॥ २४५ ॥ जंबुद्दीवे णं दीवे भारहे वासे तीआए उस्सप्पिणीए सत्त कुलगरा होत्था, तं जहा-मित्तदामे सुदामे य, सुपासे य सयंपभे। विमलघोसे सुघोसे य, महाघोसे य सत्तमे ॥ १ ॥ जंबुद्दीवे णं दीवे भारहे वासे तीयाए ओसप्पिणीए दस कुलगरा होत्था, तं जहा-सयंजले सयाऊ य, अजियसेणे अणंतसेणे य । कजसेणे भीमसेणे, महाभीमसेणे य सत्तमे ॥ २॥ दढरहे दसरहे सयरहे ॥ जंबुद्दीवे णं दीवे भारहे वासे इमीसे ओसप्पिणीए समाए सत्त कुलगरा होत्था, तं जहा-पढमेत्थ विमलवाहण [चक्खुम जसमं चउत्थमभिचंदे । तत्तो य पसेणईए मरुदेवे चेव नाभी य ॥ ३ ॥] एतेसि णं सत्तण्हं कुलगराण सत्त भारिया होत्था, तं जहा-चंदजसा चंदकंता [सुरूव पडिरूव चक्खुकंता य । सिरिकंता मरुदेवी कुलगरपत्तीण णामाई ॥ ४ ॥] २४६ ॥ जंबुद्दीवे णं दीवे भारहे वासे इमीसे णं ओसप्पिणीए चउवीसं तित्थगराणं पियरो होत्था, तं जहा-णाभी य जियसत्तू य[जियारी संवरे इय । मेहे धरे पइटे य महसेणे यखत्तिए ॥ ५॥ सुग्गीवे दढरहे विण्हू वसुपुजे य खत्तिए । कयवम्मा सीहसेणे भाणू विस्ससेणे इय ॥ ६॥ सूरे सुदंसणे कुंभे, सुमित्तविजए समुद्दविजए य । राया य आससेणे य सिद्धत्थेच्चिय खत्तिए ॥ ७॥] उदितोदियकुलवंसा विसुद्धवंसा गुणेहि उववेया। तित्थप्पवत्तयाणं एए पियरो जिणवराणं ॥ ८॥ जंबुद्दीने णं दीवे भारहे वासे इमीसे ओसप्पिणीए चउ. वीसं तित्थगराणं मायरो होत्था, तं जहा-मरुदेवी विजया सेणा [सिद्धत्था मंगला सुसीमा य । पुहवी लखणा रामा नंदा विण्हू जया सामा ॥ ९ ॥ सुजसा सुब्वय अइरा सिरिया देवी पभावई परमा। वप्पा सिवा य वामा तिसला देवी य जिणमाया ॥ १० ॥] २४७ ॥ जंबुद्दीवे णं दीव भारहे वासे इमीसे ओसप्पिणीए चउवीसं तित्थगरा होत्था, तं जहा-उसभ अजिय सभव अभिनंदण सुमइ पउमप्पह सुपास चंदप्पभ सुविहि-पुप्फदंत सीयल सिजंस वासुपुज्ज विमल अणंत धम्म संति कुंथु अर मल्लि मुणिसुव्वय णमि मि पास वड्डमाणो य ॥ २४८ ।। एएसिं चउवीसाए तित्थगराणं चउव्वीसं पुत्वभवया णामधेया होत्था, तं जहा-पढमेत्थ वइरणाभे विमले तह विमलवाहणे चेव । तत्तो य धम्मसीहे, सुमित्त तह धम्ममित्ते य ॥ ११ ॥ सुंदरवाहु तह दीहवाहु जुगवाहू लट्ठवाह य । दिण्णे य इंददत्ते सुंदर माहिंदरे चेव ॥ १२ ॥ सीहरहे मेहरहे रुप्पी अ सुदंसणे य वोद्धव्वे । तत्तो य नंदणे खलु सीहगिरी चेव वीसइमे ॥ १३॥ अदीणसत्तु संखे सुदंसणे नंदणे य
