________________
णिहत्ताउयागरिसपुच्छा]
सुत्तागमे
३७५
चयगा विभाणियव्वा आहारयसरीरे समचउरंससंठाणसंठिए। आहारयसरीरस्स के महालिया सरीरोगाहणा प० ? गोयमा! जहन्नेणं देसूणा रयणी उक्नोसेणं पडिपुण्णा रयणी। तेआसरीरे णं भंते ! कतिविहे प० ? गोयमा ! पंचविहे पन्नत्तेएगिदियतेयसरीरे वितिचउपच० एवं जाव गेवेजस्स णं भंते! देवस्स णं मारगंतियसमुग्घाएणं समोहयस्स समाणस्स के महालिया सरीरोगाहणा प० ? गोयमा ! सरीरप्पमाणमेत्ता विक्खंभवाहल्लेणं आयामेणं जहन्नेणं अहे जाव विज्जाहरसेढीओ उक्नोसेणं जाव अहोलोइयग्गामाओ, उर्दू जाव सयाई विमाणाई, तिरियं जाव मणुस्सखेत्तं, एवं जाव अणुत्तरोववाइया । एवं कम्मयसरीरं भाणियव्वं ॥ २३४ ॥ भेय विसयसंठाणे, अभितर बाहिरे य देसोही । ओहिस्स बुड्डिहाणी, पडिवाई चेव अपडिवाई ॥ १ ॥ २३५ ॥ कइविहे गं भंते ! ओही प० ? गोयमा ! दुविहा प०-भवपच्चइए य खओवसमिए य, एवं सव्वं ओहिपदं भाणियव्वं ॥ २३६ ॥ सीया य दव्व सारीर साता तह वेयणा भवे दुक्खा । अव्भुवगमुवकमिया णीयाए चेव अणियाए ॥ १ ॥नेरइया णं भंते ! किं सीतं वेयणं वेयंति उसिणं वेयणं चेयंति सीतोसिणं वेयणं वेयंति ? गोयमा ! नेरइया० एवं चेव वेयणापदं भाणियवं ॥ २३७ ॥ कइ णं भंते ! लेसाओ पन्नत्ताओ? गोयमा ! छ लेसाओ पन्नत्ताओ, तं जहा-किण्हा नीला काऊ तेऊ पम्हा सुक्का, एवं लेसापयं भाणियव्वं ॥ २३८ ॥ अणंतरा य आहारे, आहाराभोगणा इय । पोग्गला नेव जाणति, अज्झवसाणे य सम्मत्ते ॥ १॥ नेरइया णं भंते ! अणंतराहारा तओ निव्वत्तणया तओ परियाइयगया तओ परिणामणया तओ परियारणया तओ पच्छा विकुव्वणया ? हता गोयमा ! एवं आहारपदं भाणियव्वं ॥ २३९ ॥ कइविहे णं भंते ! आउगवंधे प० ? गोयमा ! छविहे आउगवंधे प०, तं जहा-जाइनामनिहत्ताउए गतिनाम'निहत्ताउए ठिइनामनिहत्ताउए पएसनामनिहत्ताउए अणुभागनामनिहत्ताउए ओगाहणानामनिहत्ताउए । नेरइयाणं भंते ! कइविहे आउगवंधे प० ? गोयमा ! छविहे प०, तं जहा-जातिनामनिहत्ताउए गइनामनिहत्ताउए ठिइनामनिहत्ताउए पएसनामनिहत्ताउए अणुभागनामनिहत्ताउए ओगाहणानामनिहत्ताउए। एवं जाव वेमाणियाणं ॥ २४० ॥ निरयगई णं भंते! केवइयं कालं विरहिया उववाएणं प०? गोयमा ! जहन्नेणं एक समयं उक्नोसेणं वारस मुहुत्ते, एवं तिरियगई मणुस्सगई देवगई। सिद्धिगई णं भंते ! केवइयं कालं विरहिया सिज्झणयाए प० ? गोयमा! जहन्नणं एवं समयं उनोसेणं छम्मासे, एवं सिद्धिवजा उव्वट्टणा । इमीसे गं भंते! रयणप्पभाए पुढवीए नेरइया केवइयं कालं विरहिया उववाएणं ? एवं उववायदंडओ
तरा य आहाया णं भंते ! अगया तओ पच्छा भंते ! आउ
