________________
सुत्तागमे
३७४
[समवाए नेरइयाणं भंते ! केवइयं कालं ठिई पन्नत्ता ? गोयमा ! जहन्नेणं दस वाससहस्साई उक्नोसेणं तेत्तीसं सागरोवमाइं ठिई प० । अपज्जत्तगाणं नेरझ्याणं भंते ! केवइयं कालं ठिई प० ? गोयमा ! जहन्नेणं अंतोमुहुत्तं उक्कोसेण वि अंतोमुहुत्तं । पजत्तगाणं जहन्नेणं दस वाससहस्साइं अंतोमुहुत्तूणाई। उनोसेणं तेत्तीसं सागरोवमाई अंतोमुहुत्तूणाई । इमीसे णं रयणप्पभाए पुढवीए एवं जाव विजयवेजयंतजयंतअपराजियाणं देवाणं केवइयं कालं ठिई प० ? गोयमा! जहन्नेणं वत्तीसं सागरोवमाइं उक्कोसेणं तेत्तीसं सागरोवमाइं। सव्वढे अजहण्णमणुकोसेणं तेत्तीसं सागरोवमाई ठिई प० ॥ २३३ ॥ कति णं भंते सरीरा पन्नत्ता ? गोयमा ! पंच सरीरा प०, तं जहा-ओरालिए वेउविए आहारए तेयए कम्मए । ओरालियसरीरे णं भंते! कइविहे पन्नत्ते ? गोयमा! पंचविहे पन्नत्ते, तं जहा-एगिदियओरालियसरीरे जाव गन्भवकंतियमणुस्सपंचिंदियओरालियसरीरे य । ओरालियसरीरस्स णं भंते ! के महालिया सरीरोगाहणा प० ? गोयमा! जहन्नेणं अंगुलअसंखेज्जतिभागं उकोसेणं साइरेगं जोयणसहस्सं, एवं जहा ओगाहणसंठाणे ओरालियपमाणं तहा निरवसेसं, एवं जाव मणुस्से त्ति उक्नोसेणं तिण्णि गाउयाई । कइविहे णं भंते ! वेउब्वियसरीरे पन्नत्ते ? गोयमा ! दुविहे पन्नत्ते-एगिदियवेउब्वियसरीरे य पंचिंदियवेउव्वियसरीरे य, एवं जाव सणकुमारे आढत्तं जाव अणुत्तराणं भवधारणिज्जा जाव तेसिं रयणी रयणी परिहायइ । आहारयसरीरे णं भंते ! कइविहे प० ? गोयमा ! एगाकारे प० । जइ एगाकारे प० किं मणुस्सआहारयसरीरे अमणुस्सआहारयसरीरे ? गोयमा ! मणुस्सआहारगसरीरे णो अमणुस्सआहारगसरीरे, एवं जइ मणुस्सआहारगसरीरे कि गन्मवनंतियमणुस्सआहारगसरीरे संमुच्छिममणुस्सआहारगसरीरे ? गोयमा ! गन्भवतियमणुस्सआहारगसरीरे नो समुच्छिममणुस्सआहारगसरीरे। जइ गब्भवक्त्रंतियमणुस्सआहारयसरीरे किं कम्मभूमिगा० अकम्मभूमिगा० ? गोयमा ! कम्मभूमिगा० नो अकम्मभूमिगा० । जइ कम्मभूमिगा० किं संखेज्जवासाउय० असंखेजवासाउय० ? गोयमा ! संखेजवासाउय० नो असंखेजवासाउय० । जइ संखेजवासाउय० किं पजत्तय० अपज्जत्तय० ? गोयमा ! पज्जत्तय० नो अपज्जत्तय० । जइ पज्जत्तय० किं सम्मदिट्टी० मिच्छदिट्ठी० सम्मामिच्छदिट्ठी० गोयमा ! सम्मदिट्रीनो मिच्छदिट्टी०नो सम्मामिच्छदिट्टी०। जइ सम्मदिट्ठी० किं संजय० असंजय० संजयासंजय० ? गोयमा! संजय० नो असंजय० नो संजयासंजय० । जइ संजय० किं पमत्तसंजय० अपमत्तसंजय० ? गोयमा ! पमत्तसंजय० नो अपमत्तसंजय० । जइ पमत्तसंजय० किं इडिपत्त० अणिडिपत्त० ? गोयमा! इडिपत्त० नो अणिड्डिपत्त०
