________________
स० ५२ ]
सुत्तागमे
चंदेण सद्धि जोगं जोइँसु वा जोइंति वा जोइस्संति वा - तिन्नेव उत्तराई, पुणव्वसू रोहिणी विसाहा य । एए छ नक्खत्ता, पणयालमुहुत्तसंजोगा || महालियाए णं विमाणपविभत्तीए पंचमे वग्गे पणयालीसं उद्देसणकाला प० ॥ १२३ ॥ दिट्टिवायरस णं छायालीसं माउयापया प० । बंभीए णं लिवीए छायालीसं माउयक्खरा प० । पभंजणस्स णं वाउकुमारिंदस्स छायालीसं भवणावासस्यसहस्सा प० ॥ १२४ ॥ जया णं सूरिए सव्वभितरमंडलं उवसंकमित्ता णं चारं चरइ तया णं इहगयस्स मसस्ससंत्तचत्तालीस जोयणसहस्सेहिं दोहि य तेवद्वेहिं जोयणसएहिं एकवीसाए यसद्विभागेहिं जोयणस्स सृरिए चक्खुफासं हव्वमागच्छइ । थेरे णं अग्गिभूई सत्तचालीसं वासाई अगारमज्झे वसित्ता मुंडे भवित्ता अगाराओ अणगारियं पव्वइए ॥ १२५ ॥ एगमेगस्स णं रन्नो चाउरंतचकवट्टिस्स अडयालीसं पट्टणसहस्सा प० । धम्मस्स णं अरहओ अडयालीसं गणा अडयालीसं गणहरा होत्या । सूरमंडले णं अयालीसं एकसट्टिभागे जोयणस्स विक्संभेणं प० ॥ १२६ ॥ सत्तसत्तमियाए णं भिक्खुपडिमाए एगूणपन्नाए राईदिएहि छन्न भिक्खासणं अहासुतं जाव आराहिया भवइ । देवकुरुउत्तरकुरुएस णं मणुया एगूणपन्ना राईदिएहि संपन्नजोव्वणा भवंति । तेइंदियाणं उक्कोसेणं एगूणपन्ना राइंदिया ठिई प० ॥ १२७ ॥ मुणिसुव्वयस्स णं अरहओ पंचासं अजियासाहस्सीओ होत्या । अणंते णं अरहा पन्नासं चण्डं उ उच्चत्तेणं होत्था । पुरिसुत्तमे णं वासुदेवे पन्नासं धणूई उद्धुं उच्चत्तेणं होत्या । सव्वे विणं दीहवेयड्ढा मूळे पन्नासं पन्नासं जोयणाणि विक्खंभेण प० । लंतए कप्पे पन्नासं विमाणावाससहस्सा प० । सव्वाओ णं तिमिस्सगुहाखंड गप्पवायगुहाओ पन्नासं पन्नासं जोयणाइं आयामेणं प० । सब्वे विणं कंचणगपव्वया सिहरतले पन्नासं पन्नासं जोयणाई विक्खभेणं प० ॥ १२८ ॥ नवहं वैभचेराणं एकावन्नं उद्देसणकाला प० । चमरस्स णं असुरिंदस्स असुररन्नो सभा सुधम्मां एकावन्नखंभसंयसंनिविट्ठा प० । एवं चेव वलिस्स वि । सुप्पभे णं बलदेवे एकावन्नं चाससयसहस्साइं परमाउं पालइत्ता सिद्धे वुद्धे जाव सव्वदुक्खप्पहीणे । दंसणावरणनामाणं दोहं कम्माणं एकावन्नं उत्तरकम्मपगडीओ पन्नताओ ॥ १२९ ॥ मोहणिजस्स णं कम्मस्स बावन्नं नामघेज्जा प०, तं जहा- कोहे, कोवे, रोसे, दोसे, अखमा, संजलणे, कलहे, चंडिक्ने, भंडणे, विवाए, माणे, मदे, दप्पे, थंभे, अन्तुक्कोसे, गव्वे, परपरिवाए, अक्नोसे, अवक्कोसे (परिभवे), उन्नए, उन्नामे, माया, उवही, नियडी, चलए, गहणे, णूमे, कक्ने, कुरुए, दंभे, कूडे, जिम्हे, किव्विसे, अणायरणया, गूहणया, वंचणया, पलिकुंचणया, सातिजोगे, लोभे, इच्छा, मुच्छा, कंखा, गेही,
३४९
रा
