________________
स० ३१]
सुत्तागमे
मंडियपुत्ते तीसं वासाइं सामण्णपरियायं पाउणित्ता सिद्धे बुद्धे जाव सव्वदुक्खप्पहीणे । एगमेगे णं अहोरत्ते तीसमुहुत्ते मुहुत्तग्गेणं पनत्ते । एएसि णं तीसाए मुहुत्ताणं तीसं नामधेजा प०, तं जहा-रोदे, सत्ते, मित्ते, वाऊ, सुपीए, अभिचंदे, माहिदे, पलंबे, बंभे, सच्चे, आणंदे, विजए, विस्ससेणे, पायावच्चे, उवसमे, ईसाणे, तठे, भाविअप्पा, वेसमणे, वरुणे, सतरिसभे, गंधव्वे, अग्गिवेसायणे, आतवे, आवत्ते, तहवे, भूमहे, रिसभे, सव्वट्ठसिद्धे, रक्खसे । अरे णं अरहा तीसं धणु(णू)ई उर्ल्ड उच्चत्तेणं होत्था। सहस्सारस्स णं देविंदस्स देवरन्नो तीसं सामाणियसाहस्सीओ प० । पासे णं अरहा तीसं वासाइं अगारवासमज्झे वसित्ता अगाराओ अणगारियं पव्वइए। समणे भगवं महावीरे तीसं वासाई अगारवासमज्झे वसित्ता अगाराओ अणगारियं पव्वइए। रयणप्पभाए णं पुढवीए तीसं निरयावाससयसहस्सा प० ॥९८॥ इमीसे णं रयणप्पभाए पुढवीए अत्थेगइयाणं नेरइयाणं तीसं पलिओचमाइं ठिई प० । अहे सत्तमाए पुढवीए अत्थेगइयाणं नेरइयाणं तीसं सागरोवमाइं ठिई प० । असुरकुमाराणं देवाणं अत्थेगइयाणं तीसं पलिओवमाइं ठिई प० । सोहम्मीसाणेसु कप्पेसु देवाणं अत्थेगइयाणं तीसं पलिओवमाइं ठिई प० । उवरिमउवरिमगेवेजयाणं देवाणं जहण्णेणं तीसं सागरोवमाइं ठिई प० । जे देवा उवरिममज्झिमगेवेजएसु विमाणेसु देवत्ताए उववण्णा तेसि णं देवाणं उक्नोसेणं तीसं सागरोवमाई ठिई प० ॥ ९९ ॥ तेणं देवा तीसाए अद्धमासेहिं आणमंति वा पाणमंति वा उस्ससंति वा नीससंति वा । तेसि णं देवाणं तीसाए वाससहस्सेहिं आहारढे समुप्पज्जइ । संतेगइया भवसिद्धिया जीवा जे तीसाए भवग्गहणेहिं सिज्झिस्संति बुज्झिस्संति मुचिस्संति परिनिव्वाइस्संति सव्वदुक्खाणमंतं करिस्संति ॥ १०० ॥ एकतीसं सिद्धाइगुणा पन्नत्ता, तं जहा-खीणे आभिणिवोहियणाणावरणे, खीणे सुयणाणावरणे, खीणे ओहिणाणावरणे, खीणे मणपज्जवणाणावरणे, खीणे केवलणाणावरणे, खीणे चक्खुदंसणावरणे, खीणे अचक्खुदसणावरणे, खीणे ओहिदसणावरणे, खीणे केवलदसणावरणे, खीणे निद्दा, खीणे णिहाणिद्दा, खीणे पयला, खीणे पयलापयला, खीणे थीणद्धी, खीणे सायावेयणिज्जे, खीणे असायावेयणिजे, खीणे दसणमोहणिजे, खीणे चरित्तमोहणिजे, खीणे नेरइआउए, खीणे तिरिआउए, खीणे मणुस्साउए, खीणे देवाउए, खीणे उच्चागोए, खीणे निच्चागोए, खीणे सुभणामे, खीणे असुभणामे, खीणे दाणंतराए, खीणे लाभंतराए, खीणे भोगंतराए, खीणे उवभोगंतराए, खीणे वीरिअंतराए ॥१०१॥ मंदरे णं पव्वए धरणितले एक्कतीसं जोयणसहस्साई छच्चेव तेवीसे जोयणसए किंचिदेसूणा परिक्खेवेणं पन्नत्ता। जया णं सूरिए
