________________
सुत्तागमे
[समवाए रोवमाई ठिई प० ॥ ७४ ॥ ते णं देवा वावीसाए अदमासएणं आणमंति वा पाणमंति वा उस्ससंति वा नीससंति वा। तेसि णं देवाणं वावीमवाससहस्तेहिं आहारट्ठे समुप्पजइ । संतेगइया भवसिद्धिया जीवा जे बावीसं भवग्गणेहिं सिज्झिस्संति वुज्झिस्संति मुच्चिस्संति परिनिव्वाइस्संति सव्वदुक्खाणमंतं करिस्संति ॥ ७५ ॥ तेवीसं सुयगडज्झयणा पन्नत्ता, तं जहा-समए, वेतालिए, उवसग्गपरिण्णा, थीपरिण्णा, नरयविभत्ती, महावीरथुई, कुसीलपरिभासिए, वीरिए, धम्मे, समाही, मग्गे, समोसरणे, आहत्तहिए, गंथे, जमईए, गाथा, पुंडरीए, किरियाठाणा, आहारपरिण्णा, [अ]प्पञ्चक्खाणकिरिआ, अणगारसुयं, अद्दइज्ज, णालंदइज । जंबुद्दीवे णं दीवे भारहे वासे इमीसे णं ओसप्पिणीए तेवीसाए जिणाणं सूरुग्गमणमुहुतसि केवलवरनाणदंसणे समुप्पण्णे । जंबुद्दीवे णं दीवे इमीसे णं ओसप्पिणीए तेवीस तित्थकरा पुत्वभवे एकारसंगिणो होत्था, तं जहा-अजित संभव अभिणंदण सुमई जाव पासो वद्धमाणो य, उसमे णं अरहा कोसलिए चोदसपुन्वी होत्था। जंबुद्दीवे णं दीवे इमीसे ओसप्पिणीए तेवीसं तित्यंकरा मुन्वभवे मंडलिरायाणो होत्था, तं जहा-अजित संभव अभिणंदण जाव पासो वद्धमाणो ये, उसमे णं अरहा कोसलिए पुव्वभवे चक्कवट्टी होत्था ॥ ७६ ॥ इमीसे णं रयणप्पभाए पुढवीए अत्थेगइयाणं नेरइयाणं तेवीसं पलिओवमाइं ठिई प० । अहे सत्तमाए णं पुढवीए अत्थेगइयाणं नेरइयाणं तेवीसं सागरोवमाइं ठिई प० । असुरकुमाराणं देवाणं अत्थेगइयाणं तेवीसं पलिओवमाई ठिई प० । सोहम्मीसाणाणं देवाणं अत्थेगइयाणं तेवीसं पलिओवमाइं ठिई प० । हेहिममज्झिमगेविजाणं देवाणं जहण्णेणं तेवीसं सागरोवमाइं ठिई प० । जे देवा हेट्ठिमहेट्ठिमगेवेजयविमाणेसु देवत्ताए उववण्णा तेसि णं देवाणं उक्कोसेणं तेवीसं सागरोवमाइं ठिई प० ॥ ७७ ॥ ते णं देवा तेवीसाए अद्धमासाणं (मासेहिं) आणमंति वा पाणमंति वा ऊससंति वा नीससंति वा । तेसि णं देवाणं तेवीसाए वाससहस्सेहिं आहारढे समुप्पजइ । संतेगइआ भवसिद्धिया जीवा जे तेवीसाए भवग्गहणेहि सिज्झिस्संति वुझिस्संति मुच्चिस्संति परिनिव्वाइस्संति सव्वदुक्खाणमंतं करिस्संति ॥७८॥ चउव्वीसं देवाहिदेवा प० तं जहा-उसभअजितसंभवअभिनंदणसुमइपउमप्पहसुपासचंदप्पहसुविधिसीअलसिजंसवासुपुजविमलअणंतधम्मसंतिकुंथुअरमल्लीमुणिसुव्वयनमिनेमीपासवद्धमाणा । चुल्लहिमवंतसिहरीणं वासहरपव्वयाणं जीवाओ चउव्वीसं चउव्वीसं जोयणसहस्साइं णववत्तीसे जोयणसए एगं अट्ठत्तीसइभागं जोयणस्स किंचि विसेसाहिआओ आयामेणं प० । चउवीसं देवठाणा सइंदया प० सेसा अहमिंदा अनिंदा अपुरोहिआ ।
