________________
स० २५ ]
सुत्तागमे
३३७
उत्तरायणगते णं सूरिए चउवीसंगुलिए पोरिसीछायं णिव्वत्तइत्ता णं णिअट्टति । गंगासिंधूओ णं महाणदीओ पवाहे सातिरेगेणं चडवीसं कोसे वित्थारेणं प० । रतारत्तवतीओ णं महाणदीओ पवाहे सातिरेगे चडवीसं कोसे वित्थारेणं प० ॥७९॥ इमीसे णं रयणप्पभाए पुढवीए अत्थेगइयाणं नेरइयाणं चउवीसं पलिओवमाई ठिई प० । अहे सत्तमा पुढवीए अत्थेगइयाणं नेरइयाणं चडवीसं सागरोवमाई ठिई प० । असुरकुमाराणं देवानं अत्येगइयाणं चउवीसं पलिओवमाई ठिई प० । सोहम्मीसाणेसु कप्पेतु अत्थेगइयाणं देवाणं चउवीसं पलिओ माई ठिई प० । हेट्टिमउवरिमगेविजाणं देवाणं जहण्णेणं चउवीसं सागरोवमाई ठिई प० । जे देवा हेडिममज्झिमगेवेज्जयविमाणेसु देवत्ताए उववण्णा तेसि णं देवाणं उक्कोसेणं चउवीसं सागरोवमाई ठिई प० ॥ ८० ॥ ते णं देवा चवीसाए अद्धमासाणं आणमंति वा पाणमंति वा ऊससंति वा नीससंति वा । तेसि णं देवाणं चउवीसांए वास सहस्सेहि आहारट्ठे समुप्पजइ । संतेगइआ भवसिद्धिया जीवा जे चउवीसाए भवग्गहहिं सिज्झिस्संति वुज्झिति मुच्चिस्संति परिनिव्वाइस्संति सव्वदुक्खाणमंत करिस्सति ॥ ८१ ॥ मुरिमपच्छिमगाणं तित्थगराणं पंचजामस्त पणवीसं भाव - गाओ प० तं जहा - इरियासमिई, मणगुत्ती, वयगुती, आलोयभायणभोयणं, आदाणभंडमत्तनिक्खेवणासमिई, अणुवीतिभासणया, कोहविवेगे, लोभविवेगे, भयविचेंगे, हासविवेगे, उग्गहअणुण्णवणया, उग्गहसीमजाणणया, सयमेव उग्गहं अणुगिण्हणया, साहम्मियउग्गहं अणुण्णविय परिभुंजण्या, साहारणभत्तपाणं अणुण्णविय पडिभुंजणया, इत्थीपसुपंड गसंसत्तगसयणासणवज्जणया, इत्थी कह विवज्जणया, इत्थीणं इंदियाणमालोयणवजणया, पुव्वरयपुंव्वकीलिआणं अणणुसरणया, पणीताहारविवज्ज
V
या, सोइंदिरागोवरई, चक्खिदियरागोवरई, घार्णिदियरागोवरई, जिम्भिदियरागोवरई, फासिंदियरागोवरई । मल्ली णं अरहा पणवीसं धणु उ उच्चत्तेगं होत्था । सव्वे व दीवेयपव्वया पणवीसं जोयणाणि उडूं उच्चत्तेणं पन्नत्ता पणवीसं पणवीसं गाउआणि उव्विद्वेणं प० । दोचाए णं पुढवीए पणवीसं णिरयावाससयसहस्सा पत्ता । आयारस्स णं भगवओ सचूलिआयस्स पणवीसं अज्झयणा पन्नत्ता, तं जहा - सत्यपरिण्णा लोगविजओ सीओसणीअ सम्मत्तं । आवंति धुय विमोह उवहासुयं महपरिणा । पिंडेसण सिज्जिरिआ भासज्झयणा य वत्थ पाएसा । उग्गहपडिमा सत्तिकसत्तया भावण विमुक्त्ती । निसीहज्झयणं पणवीसइमं । मिच्छादिट्टि - विगलिंदिए णं अपज्जत्तए णं संकिलिट्ठपरिणामे णामस्स कम्मस्स पणवीसं उत्तरंपयडीओ णिबंधति - तिरियगतिनामं विगलिंदियजातिनामं ओरालियसरीरणामं तेअग२२ सुत्ता०
