________________
सुत्तागमे
[समवाए आदंसलिवी माहेसरीलिवी दामिलिवी बोलिंदिलिवी । अत्थिनत्थिप्पवायस्स णं पुव्वस्स णं अट्ठारस वत्थू प० । धूमप्पभाए णं पुढवीए अट्ठारसुत्तरं जोयणसयसहरसं वाहल्लेणं प० । पोसासाढेसु णं मासेसु सइ उक्कोसेणं अट्ठारस मुहुत्ते दिवसे भवइ सइ उक्नोसेणं अट्ठारस मुहुत्ता राती भवइ ॥ ६० ॥ इमीसे णं रयणप्पभाए पुढवीए अत्थेगइयाण नेरइयाणं अट्ठारस(पलिओवमाइं ठिई प० । छट्ठीए पुढवीए अत्यंगइयाणं नेरइयाणं अट्ठारस)सागरोवमाइं ठिई प० । असुरकुमाराणं देवाणं अत्थेगइयागं अट्ठारस पलिओवमाइं ठिई प० । सोहम्मीसाणेसु कप्पेसु अत्थेगडयाणं देवाणं अट्ठारस पलिंओवमाइं ठिई प० । सहस्सारे कप्पे देवाणं उनोसेणं अट्ठारस सागरोवमाई ठिई प० । आणते कप्पे देवाणं अत्थेगइयाणं जहण्णेणं अट्ठारस सागरोवमाई ठिई प० । जे देवा कालं सुकालं महाकालं अंजणं रिठं सालं समाणं दुमं महादुमं विसालं सुसालं पउमं पउमगुम्मं कुमुदं कुमुदगुम्मं नलिणं नलिणगुम्मं पुंडरीअं पुंडरीयगुम्मं सहस्सारवडिसगं विमाणं देवत्ताए उववण्णा तेसि णं देवाणं (उक्कोसेणं)अट्ठारस सागरोवमाइं ठिई प० ॥६१॥ ते णं देवा णं अट्ठारसेहिं अद्धमासेहिं आणमंति वा पाणमंति वा ऊससंति वा नीससंति वा । तेसि णं देवाणं अट्ठारसवाससहस्सेहिं आहारट्टे समुप्पज्जइ । संतेगइया भवसिद्धिया (जीवा)जे अट्ठारसहिं भवग्गहणेहिं सिज्झिस्संति वुज्झिस्संति मुचिस्संति परिनिव्वाइस्संति सव्वदुक्खाणमंतं करिस्संति ॥ ६२ ॥ एगूणवीसं णायज्झयणा पन्नत्ता, तं जहा-उक्खित्तणाए संघाडे, अडे कुम्मे अ सेलए । तुंबे अ रोहिणी मल्ली, मागंदी चंदिमाति अ॥ १ ॥ दावद्दवे उदगणाए, मंडुक्के तेत्तली इअ । नंदिफले अवरकंका, आइण्णे सुसमा इअ ॥ २ ॥ अवरे अपोंडरीए, णाएं एगूणवीसमे । जंबुद्दीवे णं दीवे सूरिआ उक्नोसेणं एगूणवीसं जोयणसयाई उडमहो तवयंति । सुक्के णं महग्गहे अवरे णं उदिए समाणे एगूणवीसं णक्खत्ताइं समं चारं चरित्ता अवरेणं अत्थमणं उवागच्छइ । जंबुद्दीवस्स णं दीवस्स कलाओ एगूणवीसं छेअणाओ पन्नत्ता। एगूणवीसं तित्थयरा अगारवासमझे वसित्ता मुंडे भवित्ता णं अगाराओ अणगारि पव्वइआ ॥ ६३ ॥ इमीसे णं रयणप्पभाए पुढवीए अत्थेगइयाणं नेरइआणं एगूणवीसं पलिओवमाइं ठिई प० । छट्ठीए पुढवीए अत्थेगइयाणं नेरइयाणं एगूणवीसं सागरोवमाइं ठिई प० । असुरकुमाराणं देवाणं अत्थेगइयाणं एगूणवीसं पलिओवमाइं ठिई प० । सोहम्मीसाणेसु कप्पेसु अत्थेगइयाणं देवाणं एगूणवीस पलिओवमाइं ठिई प० । आणयकप्पे अत्थेगइयाणं] देवाणं उनोसेणं एगूणवीसं सागरोवमाइं ठिई प० । पाणए कप्पे अत्थेगइयाणं]
