Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 382

३३०
सुत्तागमे
[समवाए याणं देवाणं सोलस पलिओवमाइं ठिई प० । महासुक्ने कप्पे देवाणं अत्थेगइयाणं सोलस सागरोवमाइं ठिई प० । जे देवा आवत्तं विआवत्तं नंदिआवत्तं महाणंदिआवत्तं अंकुसं अंकुसपलंवं भई सुभदं महाभई सव्वओभई भत्तरवडिंसगं विमाणं देवत्ताए उववण्णा तेसि णं देवाणं उक्कोसेणं सोलस सागरोवमाइं ठिई प० ॥५५॥ ते णं देवा सोलसहिं अद्धमासाणं आणमंति वा पाणमंति वा उस्ससंति वा नीससंति वा । तेसि णं देवाणं सोलसवाससहस्सेहिं आहारट्टे समुप्पज्जइ । संतेगइआ भवसिद्धिआ जीवा जे सोलसहिं भवग्गहणेहिं सिज्झिस्संति वुज्झिस्संति मुच्चिस्संति परिनिव्वाइस्संति सव्वदुक्खाणमंतं करिस्संति ॥५६ ॥ सत्तरसविहे असंजमे पन्नत्ते, तं जहा-पुढविकायअसंजमे आउकायअसंजमे तेउकायअसंजमे वाउकायअसंजमे वणस्सइकायअसंजमे बेइंदिअअसंजमे तेइंदियअसंजमे चरिंदियअसंजमे पंचिदियअसंजमे अजीवकायअसंजमे पेहाअसंजमे उवेहाअसंजमे अवहट्ठअसंजमे अप्पमजणाअसंजमे मणअसंजमे वइअसजमे कायअसंजमे । सत्तरसविहे संजमे पन्नत्ते, तं जहा-पुढवीकायसंजमे आउकायसंजमे तेउकायसंजमे वाउकायसंजमे वणस्सइकायसंजमे बेइंदिअसंजमे तेइंदियसंजमे चउरिदिअसंजमे पंचिंदिअसंजमे अजीवकायसंजमे पेहासंजमे उवेहासंजमे अवहट्ठसंजमे पमजणासंजमे मणसंजमे वइसंजमे कायसंजमे । माणुसत्तरे णं पव्वए सत्तरस एकवीसे जोयणसए उर्दू उच्चत्तेणं पन्नत्ते । सव्वेसि पिणं वेलंधरअणुवेलंधरणागराईणं आवासपव्वया सत्तरस एकवीसाई जोयणसयाइं उद्धं उच्चत्तेणं पन्नत्ता । लवणे णं समुद्दे सत्तररा जोयणसहस्साइं सव्वग्गेणं पन्नत्ते । इमीसे णं रयणप्पभाए पुढवीए बहुसमरमणिज्जाओ भूमिभागाओ सातिरेगाइं सत्तरस जोयणसहस्साइं उर्दू उप्पतित्ता ततो पच्छा चारणाणं तिरिआ गती पवत्तति । चमरस्स णं असुरिंदस्स असुररण्णो तिगिछिकूडे उप्पायपव्वए सत्तरस एकवीसाइं जोयणसयाइं उर्दू उच्चत्तेणं पन्नत्ते । बलिस्स णं असुरिदस्स रुअगिदे उप्पायपव्वए सत्तरस एकवीसाइं जोयणसयाई उड्ढे उच्चत्तेणं पन्नत्ते । सत्तरसविहे मरणे पन्नत्ते, तं जहा-आवीईमरणे ओहिमरणे आयंतियमरणे वलायमरणे वसट्टमरणे अंतोसल्लमरणे तन्भवमरणे बालमरणे पंडितमरणे वालपंडितमरणे छउमत्थमरणे केवलिमरणे वेहासमरणे गिद्धपिट्ठमरणे भत्तपञ्चक्खाणमरणे इंगिणिमरणे पाओवगमणमरणे । सुहुमसंपराए णं भगवं सुहुमसंपरायभावे वट्टमाणे सत्तरस कम्मपगडीओ णिवंधति, तं जहा-आभिणिवोहिणाणावरणे सुयणाणावरणे ओहिणाणावरणे मणपजवणाणावरणे केवलणाणावणे चक्खुदंसणावरणे अचक्खुदंसणावरणे ओहिदसणावरणे केवलदसणावरणे सायावेयणिजं जसोकित्तिनामं उच्चागोयं दाणंतराय लाभतरायं