________________
सुत्तागमे
स० १६]
३२९ आहारयसरीरकायपओगे आहारयमीससरीरकायप्पओगे कम्मयसरीरकायपओगे ॥५१॥ इमीसे णं रयणप्पभाए पुढवीए अत्थेगइआणं नेरइआणं पण्णरस पलिओवमाइं ठिई प० । पंचमीए पुढवीए अत्थेगइआणं नेरइयाणं पण्णरस सागरोवमाइं ठिई प० । असुरकुमाराणं देवाणं अत्थेगइयाणं पण्णरस पलिओवमाई ठिई प० । सोहम्मीसाणेसु कप्पेसु अत्थेगइआणं देवाणं पण्णरस पलिओवमाई ठिई प० । महासुने कप्पे अत्थेगइआणं देवाणं पण्णरस सागरोवमाइंठिई प० । जे देवा गंदं सुगंदं गंदावत्तं गंदप्पभं गंदकंतं गंदवणं णंदलेसं णंदज्नयं गंदसिंगं गंदसिटुं गंदकूडं णंदुत्तरवडिंसगं विमाणं देवत्ताए उववण्णा तेसि णं देवाणं उकोसेणं पण्णरस सागरोवमाइं ठिई प० ॥ ५२ ॥ ते णं देवा पण्णरसण्हं अद्धमासाणं आणमंति वा पाणमंति वा उस्ससंति वा नीससंति वा । तेसि णं देवाणं पण्णरसहि वाससहस्सेहिं आहारढे समुप्पज्जइ । संतेगइआ भवसिद्धिआ जीवा जे पन्नरसहिं भवग्गहणेहिं सिज्झिस्संति वुज्झिस्संति मुच्चिस्संति परिनिव्वाइस्संति सव्वदुक्खाणमंतं करिस्संति ॥ ५३॥ सोलस य गाहा सोलसगा पन्नत्ता, तं जहासमए वेयालिए उवसग्गपरिना इत्थीपरिण्णा निरयविभत्ती महावीरथुई कुसीलपरिभासिए वीरिए धम्मे समाही मग्गे समोसरणे आहातहिए गंथे जमईए गाहासोलसमे सोलसगे। सोलस कसाया पन्नत्ता, तं जहा-अणंताणुवंधी कोहे, अणंताणुवंधी माणे, अणंताणुबंधी माया, अणंताणुवंधी लोभे, अपच्चक्खाणकसाए कोहे, अपच्चक्खाणकसाए माणे, अपञ्चक्खाणकसाए माया, अपच्चक्खाणकसाए लोभे, पच्चक्खाणावरणे कोहे, पञ्चक्खाणावरणे माणे, पच्चक्खाणावरणा माया, पञ्चक्खाणावरणे लोभे, संजलणे कोहे, संजलणे माणे, संजलणे माया, संजलणे लोभे। मंदरस्स णं पव्वयस्स सोलस नामधेया पन्नत्ता, तं जहा-मंदर मेरु मणोरम, सुदसण सयंपभे य गिरिराया । रयणुच्चय पियदसण, मज्झे लोगस्स नामी य ॥ १॥ अत्थे अ सूरिआवत्ते, सूरिआवरणे त्ति अ । उत्तरे अ दिसाई अ, वडिंसे इअ सोलसमे ॥२॥ पासस्स णं अरहतो पुरिसादाणीयस्स सोलस समणसाहस्सीओ उक्कोसिआ समणसंपदा होत्था । आयप्पवायस्स णं पुवस्स णं सोलस वत्थू पन्नत्ता । चमरवलीणं ऊवारियालेणे सोलस जोयणसहस्साइं आयामविक्खंभेणं प० । लवणे णं समुद्दे सोलस जोयणसहस्साई उस्सेहपरिवुड्डीए पन्नत्ते ॥ ५४ ॥ इमीसे णं रयणप्पभाए पुढवीए अत्थेगइयाण नेरझ्याणं सोलस पलिओवमाइं ठिई प० । पंचमीए पुढवीए अत्थेगइयाणं नेरइयाणं सोलस सागरोवमाई ठिई प० । असुरकुमाराणं देवाणं अत्थेगइयाणं सोलस पलिओवमाई ठिई प० । सोहम्मीसाणेसु कप्पेसु अत्थेगइ
