Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 378

३२६
सुत्तागमे
[ समवाए
दुवालस जोयणाईं उद्धं उप्पइआ ईसिपव्भारनामपुढवी पण्णत्ता । ईसिपव्भाराए णं पुढवीए दुवालस नामजा पण्णत्ता, तं जहा - ईसित्ति वा ईसिपव्भाराति वा तणूइ वा तणूयतरित्ति वा सिद्धित्ति वा सिद्धालए त्ति वा मुत्तीति वा मुत्तालए त्ति वा वंभे त्ति वा बंभवडिसए त्ति वा लोकपरिपूरणे त्ति वा लोगग्गचूलिआइ वा ॥ ४२ ॥ इमीसे णं रयणप्पभाए पुढवीए अत्थेगइआणं नेरइयाणं वारस पलिओवमाई ठिई प० । पंचमी पुढवीए अत्थेगइयाणं नेरइयाणं वारस सागरो - वमाईं ठिई प० । असुरकुमाराणं देवाणं अत्येगइयाणं बारस पलिओ माई टिई प० । सोहम्मीसाणेसु कप्पेसु अत्थेगइयाणं देवाणं वारस पलिओ माई ठिई प० । लंतए कप्पे अत्थेगइयाणं देवाणं वारस सागरोवमाई ठिई प० । जे देवा महिंदं महिदज्झयं कंबुं कंबुग्गीवं पुंखं सुपुंखं महापुंखं पुंडं सुपुंडं महापुंडं नरिंद नरिदकंतं नरिदुत्तरवडिसगं विमाणं देवत्ताए उववण्णा तेसि णं देवाणं उक्कोसेणं वारस सागरोवमाइं ठिई प० ॥ ४३ ॥ ते णं देवा वारसहं अद्धमासाणं आणमंति वा पाणमंति वा उस्ससंति वा नीससंति वा । तेसि णं देवाणं वारसहिं वाससहस्सेहिं आहारट्ठे समुप्पज्जइ । संतेगइया भवसिद्धिआ जीवा जे वारसहिं भवग्गहणेहिं सिज्झिस्संति बुज्झिस्संति मुचिस्संति परिनिव्वाइस्संति सव्वदुक्खाणमंत करिस्संति ॥ ४४॥ तेरस किरियाठाणा प० तं जहा - अट्ठादंडे अणट्टादंडे 'हिसादंडे अकम्हादंडे' दिट्ठिविपरिआसिआदंडे मुसावायवत्तिए अदिन्नादाणवत्तिए अज्झत्थिए माणवत्तिए मित्तदोसवत्तिए मायावत्तिए लोभवत्तिए इरिआवहिए नामं तेरस मे । सोहम्मीसाणेसु कप्पेसु तेरस 'विमाणपत्थडा प० । सोहम्मवडिसगे गं विमाणे णं अद्धतेरसजोयणसयसहस्साई आयामविक्खंभेणं प० । एवं ईसाणवडिसगे वि । जलयरपंचिदिअतिरिक्खजोणिआणं अद्धतेरसजाइकुलकोडीजोणीपमुहसयसहस्साई प० । पाणाउस्स णं पुव्वस्स तेरस वत्थू प० । गब्भवकंतिअपंचेदिअतिरिक्खजोणिआणं तेरसविहे पओगे प० तं जहा - सचमणपओगे मोसमणपओगे सच्चामोसमणपओगे असच्चामोसमणपओगे सच्चवइपओगे मोसवइपओगे सच्चामोसवइपओगे असच्चामोसवइपओगे ओरालिअसरीरका यपओगे ओरालि - अमीससरीरकायपओगे वेडव्विअसरीरकायपओगे वेडव्विअमीससरीरकायपओगे कम्मसरीरकायपभोगे । सूरमंडलं जोअणेणं तेरसे ( स ) हिं एगसट्टिभाग (गे) हिं जोयणस्स ऊणं पन्नत्तं ॥ ४५ ॥ इमीसे णं रयणप्पभाए पुढवीए अत्थेगइयाणं नेरइयाणं तेरस पलिओवमाई ठिई प० । पंचमीए पुढवीए अत्थेगइयाणं नेरइयाणं तेरस सागरोवमाई ठिई प० । असुरकुमाराणं देवाणं अत्येगइयाणं तेरस
1