Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 379

स०१४]
सुत्तागमे
३२७
पलिओवमाइं ठिई प० । सोहम्मीसाणेसु कप्पेसु अत्थेगइआणं देवाणं तेरस पलिओवमाइं ठिई प० । लंतए कप्पे अत्थेगइआणं देवाणं तेरस सागरोवमाइं ठिई प० । जे देवा वजं सुवज वजावत्तं वजप्पभं वजकंतं वजवणं वजलेसं वजल्वं वाजसिंगं वज्जसिढे वजकूडं वजत्तरवडिंसगं वइरं वइरावत्तं वइरप्पभं वइरकंतं वइरवण्णं वइरलेसं वइररूवं वइरसिंग वइरसिटुं वइरकूडं वइरुत्तरवळिसगं लोगं लोगावत्तं लोगप्पमं लोगकंतं लोगवण्णं लोगलेसं लोगल्वं लोगसिंगं लोगसिहूँ लोगकूडं लोगुत्तरवडिंसगं विमाणं देवत्ताए उववण्णा तेसि णं देवाणं उनोसेगं तेरस सागरोवमाइं ठिई प० ॥ ४६ ॥ ते णं देवा तेरसहिं अद्धमासेहिं आणमंति वा पाणमंति वा उस्ससंति वा नीससंति वा । तेसिणं देवाणं तेरसहिं वाससहस्सेहिं आहारडे समुप्पज्जइ । संतेगइआ भवसिद्धिआ जीवा जे तेरसहिं भवग्गहणेहिं सिज्जिस्संति बुज्झिस्संति मुच्चिस्संति परिनिव्वाइस्संति सव्वदुक्खाणमंतं करिस्संति ॥ ४७ ॥ चउद्दस भूअग्गामा पन्नत्ता, तं जहा-सहुमा अपज्जत्तआ सुहुमा पज्जत्तया बादरा अपजत्तया बादरा पज्जत्तया वेइंदिया अपज्जत्तया बेइंदिया पज्जत्तया तेदिया अपजत्तया तेंदिया पज्जत्तया चउरिदिआ अपजत्तया चउरिदिया पज्जत्तया पंचिंदिआ असन्निअपज्जत्तया पंचिंदिया असन्निपजत्तया पंचिंदिआ सन्निअपज्जत्तया पंचिंदिया सन्निपजत्तया । चउदस पुव्वा प० तं जहा-उप्पायपुव्वमग्गेणियं च तइयं च वीरियं पुव्वं । अत्थीनत्थि पवायं तत्तो नाणप्पवायं च ॥ १॥ सच्चप्पवायपुव्वं तत्तो आयप्पवायपुव्वं च । कम्मप्पवायपुव्वं पञ्चक्खाणं भवे नवमं ॥ २॥ विजाअणुप्पवायं अवंझ पाणाउ वारसं पुव्वं । तत्तो किरियविसालं पुव्वं तह बिंदुसारं च ॥३॥ अग्गेणीअस्स णं पुवस्स चउद्दस वत्थू पन्नत्ता । समणस्स णं भगवओ महावीरस्स चउद्दस समणसाहस्सीओ उक्नोसिआ समणसंपया होत्था । कम्मविसोहिमग्गणं पड्डुच चउदस जीवट्ठाणा पन्नत्ता, तं जहा-मिच्छदिट्टी सासायणसम्मद्दिट्टी सम्मामिच्छदिट्ठी अविरयसम्मट्टिी विरयाविरए पमत्तसंजए अप्पमत्तसंजए निअट्टिवायरे अनियट्टिवायरे सुहुमसंपराए उवसामए वा खवए वा उवसंतमोहे खीणमोहे सजोगीकेवली अजोगीकेवली । भरहेरवयाओ णं जीवाओ चउद्दस चउद्दस जोयणसहस्साइं चत्तारि अ एगुत्तरे जोयणसए छच्च एगूणवीसे भागे जोयणस्स आयामेणं पन्नत्ता । एगमेगस्स णं रन्नो चाउरंतचकवट्टिस्स चउद्दस रयणा पन्नत्ता, तं जहा-इत्थीरयणे सेणावइरयणे गाहावइरयणे पुरोहियरयणे वड्डइरयणे आसरयणे हत्थिरयणे असिरयणे दंडरयणे चक्करयणे छत्तरयणे चम्मरयणे मणिरयणे कागिणिरयणे । जंबुद्दीवे णं दीवे चउद्दस महानईओ पुव्वावरेण लवणसमुद्दे समप्पेति, तं जहा-गंगा सिंधू रोहिआ रोहिअंसा हरी