________________
૧૦
सुत्तागमे
[ समवाप
जीवा जे दोहिं भवग्गहणेहिं सिज्झिस्संति वुज्झिस्संति मुचिस्संति परिनिव्वाइस्संति सव्वदुक्खाणमंतं करिस्संति ॥ ८ ॥ तओ दंडा पन्नत्ता, तं जहा-मणदंडे, वइदंडे, कायदंडे । तओ गुत्तीओ पन्नत्ताओ, तं जहा - मणगुत्ती, वयगुत्ती, कायगुत्ती । तभ सल्ला पत्ता, तं जहा - मायासले णं, नियाणसल्ले णं, मिच्छादंसणसले णं । तओ गारवा पन्नत्ता, तं जहा - इडीगारवे णं, रसगारवे णं, सायागारचे णं । तओ विराहणा पत्ता, तं जहा - नाणविराहणा, दंसणविराहणा, चरित्तविराहणा । मिगतिरनक्खत्ते तितारे पन्नत्ते । पुस्सनक्खत्ते तितारे पन्नत्ते । जेहानक्खत्ते तितारे पन्नत्ते । अभीइनक्खत्ते तितारे पन्नत्ते । सवणनक्खत्ते तितारे पन्नत्ते । अस्सिणिनक्खत्ते तितारे पन्नत्ते। भरणीनक्खत्ते तितारे पन्नते ॥ ९ ॥ इमीसे णं रयणप्पभाए पुढवीए अत्थेगइयाणं नेरइयाणं तिन्नि पलिओ माई ठिई पन्नत्ता । दोचाए णं पुढवीए नेरइयागं उक्लोसेणं तिण्णि सागरोवमाइं ठिई पन्नत्ता । तचाए णं पुढवीए नेरइयाणं जहणेणं तिण्णि सागरोवमाईं ठिई पन्नत्ता । असुरकुमाराणं देवाणं अत्थेगइयाणं तिष्णि पलि - ओवमाई ठिई पन्नत्ता । असंखिज्जवासाउयसन्निपंचिंदियतिरिक्खजोणियाणं उनोसेणं तिण्णि पलिओवमाई ठिई पन्नत्ता । असंखिज्जवासाउयसन्निगव्भवनंतियमणुस्साणं उक्कोसेणं तिण्णि पलिओवमाई ठिई पन्नत्ता | सोहम्मीसाणेसु अत्थेगइयाणं देवाणं तिणि पलिओ माई ठिई पन्नत्ता । सणकुमारमाहिंदेसु कप्पेमु अत्थेगइयाणं देवाण तिण्णि सागरोवमाई ठिई पन्नत्ता । जे देवा आभंकरं पभंकरं आभंकरपभंकरं चंद चंदावत्तं चंदप्पभं चंदकंतं चंदवण्णं चंदलेसं चंदज्झयं चंदसिंगं चंदसिद्धं चंदकूड चंदुत्तरवडिसगं विमाणं देवत्ताए उववण्णा तेसि णं देवाणं उक्नोसेणं तिण्णि सागरो•
माई ठिई पन्नत्ता ॥ १० ॥ ते णं देवा तिन्हं अद्धमासाणं आणमंति वा पाणमंति वा ऊसंसंति वा नीससंति वा । तेसि णं देवाणं तिहिं वाससहस्सेहिं आहारट्ठे समुप्पज्जइ । संतेगइया भवसिद्धिया जीवा जे तिहिं भवग्गहणेहिं सिज्झिस्संति बुज्झिस्संति मुचिस्संति परिनिव्वाइस्संति सव्वदुक्खाणमंतं करिस्संति ॥ ११ ॥ चत्तारि कसाया पन्नत्ता, तं जहा- कोहकसाए माणकसाए मायाकसाए लोभकसाए । चत्तारि झाणा पत्ता, तं जहा- अट्टज्झाणे रुद्दज्झाणे धम्मज्झाणे सुक्कज्झाणे । चत्तारि विगहाओ प०, तं जहा - इत्थिकहा भत्तकहा रायकहा देसकहा । चत्तारि सण्णा पन्नत्ता, तं जहा - आहारसण्णा भयसण्णा मेहुणसण्णा परिग्गहसण्णा । चउन्विहे बंधे पन्नत्ते, तं जहा - पइबंधे ठिइबंधे अणुभावबंधे पएसबंधे, चउगाउए जोयणे पत्ते ॥ १२ ॥ अणुराहानक्खत्ते चउतारे पन्नत्ते । पुव्वासाढानक्खत्ते उतारे पन्नत्ते । उत्तरासाढानक्खत्ते चउतारे पन्नत्ते ॥ १३ ॥ इमीसे णं रयणप्पभाए पुढवीए अत्थे
