________________
अ० ७]
सुत्तागमे
२७९
सत्तविहा प० तं ० ते वासिठ्ठा ते उंजायणा ते जारेकण्हा ते वग्धावच्चा ते कोडिन्ना ते सण्णी ते पारासरा ॥ ६७५ ॥ सत मूलणया प० तं० नेगमे संगहे ववहारे उज्जुसुए सद्दे समभिरूढे एवंभूते ॥ ६७६ ॥ सत सरा प० तं० सज्जे रिसभे गंधारे मज्झिमे पंचमे सरे, धेवते चैव पिसादे सरा सत्त वियाहिया ( १ ) एएसि णं सत्तहं सराणं सत्त सरठाणा प० तं ० स तु अग्गजिन्भाए उरेण रिसभं सरं, कण्ठुग्गएण गंधारं मज्झजिन्भाऍ मज्झिमं ( २ ) णासाए पंचमं वूया दंतोष्ठ्ठेण य धेवयं, मुद्धाणेण य णेसायं सरठाणा वियाहिया ( ३ ) सत्त सरा जीवनिस्सिया प० तं० सज्जं रवइ मयूरो कुक्कुडो रिसहं सरं, हंसो णदइ गंधारं मज्झिमं तु गवेलगा (४) अह कुसुमसंभवे काले कोइला पंचमं सरं, छठ्ठे च सारसा कोंचा णिसायं सत्तमं गया (५) सत्तसरा अजीवनिस्सिया प० तं० सर्ज रवइ सुइंगो गोमुही रिसर्भ सरं, संखो णदइ गंधारं मज्झिमं पुण झलरी ( ६ ) चउचलणपठ्ठाणा गोहिया पंचमं सरं, आडंबरो य रेवइयं महाभेरी य सत्तमं ( ७ ) एएसि णं सत्त सराणं सत्त सरलक्खणा प० तं० सज्जेण लभड़ वित्तिं कयं च ण विणस्सइ, गावो मित्ताय पुत्ता य णारीणं चेव वल्लभो (८) रिसभेण उ एसजं, सेणावच्चं धणाणि य; वत्थगंधमलंकारं इत्थीओ सयणाणि य ( ९ ) गंधारे गीयजुत्तिण्णा वज्जवित्ती कलाहिया, भवंति करणो पन्ना जे अन्ने सत्थपारगा (१०) मज्झिमसर संपन्ना भवंति सुहजीविणो, खायती पीयती देती, मज्झिमं सरमस्सिओ ( ११ ) पंचमसरसंपन्ना भवंति पुढवीपई, सूरा संगहकत्तारो अणेगगणणायगा ( १२ ) धेवयसरसंपन्ना भवंति कलहप्पिया; साउणिता वग्गुरिया सोयरिया मच्छवंधा य ( १३ ) चंडाला मुट्ठिया सेया, जे अन्ने पावकम्मिणो; गोघातगा य जे चोरा, णिसायं सरमस्सिता ( १४ ) एएसि णं सत्तहं सराणं तओ गामा प० तं० सज्जगामे मज्झिमगामे गंधारगामे, सज्जगामस्स णं सत्त मुच्छणाओ प० तं० संगी कोरव्वीया हरी य रययणी य सारकंता य, छठ्ठी य सारसी णाम सुद्धसज्जा य सत्तमा (१५) मज्झिमगामस्स णं सत्तमुच्छणाओ प० तं० उत्तरमंदा रयणी उत्तरा उत्तरासमा; आसोकंता य सोवीरा, अभी हवइ सत्तमा (१६) गंधारगामस्स णं सत्त मुच्छणाओ प० तं० नंदी य खुद्दिमा पूरिमा य चउत्थी य सुद्धगंधारा, उत्तरगंधारा वि य पंचमिया हवइ मुच्छा उ (१७) सुठुतरमायामा सा छठ्ठी नियमसो उ णायव्वा अह उत्तरायया कोडीमायसा सत्तमी मुच्छा (१८) सत्त सराओ कओ संभवंति गेयस्स का भवइ जोणी ? कइ समया उस्सासा कइ वा गेयस्स आगारा ? (१९) सत्त सरा णाभीओ भवंति, गीयं च रुयजोणीयं; पादसमा ऊसासा तिन्नि य गेयस्स आगारा ( २० ) आइमिउ
