________________
[ ठाणे
२७८
सुत्तागमे भवइ ॥ ६६२ ॥ सत्त पिंडेसणाओ प० ।। ६६३ ॥ सत्तपाणेसणाओ प० ॥६६४॥ सत्त उग्गहपडिमाओ प० ॥ ६६५ ॥ सत्त सत्तिक्कया प० ॥ ६६६ ॥ सत्त महज्झयणा प० ॥ ६६७ ॥ सत्तसत्तमिया णं भिक्खुपडिमा एगूणपन्नयाए राइदिएहिं एगेण य छण्णउएणं भिक्खासएणं अहासुत्तं ( अहा अत्यं) जाव आराहिया यावि भवइ ॥ ६६८ ॥ अहे लोगेणं सत्त पुडवीओ प० सत्त घणोदहीओ प० सत्त घणवाया प० सत्त तणुवाया प० सत्त उवासंतरा प० एएसु णं सत्तसु उवासंतरेमु सत्ततणुवाया पइछिया एएसु णं सत्तसु तणुवाएसु सत्त घणवाया पइछिया एएसु णं सत्तसु घणवाएसु सत्त घणोदधी पइछिया एतेसु णं सत्तसु घणोदहीसु पिंडलगपिहुणसंठाणसंठिआओ सत्त पुढवीओ प० तं० पढमा जाव सत्तमा, एयासि णं सत्तण्हं पुढवीणं सत्त णामधेना प० तं० घम्मा वंसा सेला अंजणा रिठ्ठा मघा माघवई, एयासि णं सत्तण्हं पुढवीणं सत्त गोत्ता प० तं० रयणप्पभा सकरप्पभा वालुअप्पभा पंकप्पमा धूमप्पभा तमा तमतमा ॥ ६६९ ॥ सत्तविहा वायरवाउकाइया प० तं० पाईणवाए पडीणवाए दाहिणवाए उदीणवाए उढवाए अहोवाए विदिसिवाए ॥ ६७० ॥ सत्त संठाणा प० तं० दीहे रहस्से वट्टे तंसे चउरंसे पिहुले परिमंडले ॥ ६७१ ॥ सत्त भयठाणा प० तं० इहलोगभए परलोगभए आदाणभए अकम्हाभए वेयणभए मरणभए असिलोगभए ॥ ६७२ ॥ सत्तहिं ठाणेहिं छउमत्थं जाणेजा तं० पाणे अइवाएत्ता भवड मुसं वइत्ता भवइ अदिन्नमाइत्ता भवइ सहफरिसरसरूवगंधे आसाएत्ता भवइ पूयासकारमणुवूहेत्ता भवइ इमं सावजति पण्णवेत्ता पडिसेवेत्ता भवइ णो जहावाई तहाकारी यावि भवइ ॥ ६७३ ॥ सत्तहिं ठाणेहि केवली जाणेजा तं० णो पाणे अइवाएत्ता भवइ जाव जहावाई तहाकारी यावि भवइ ॥ ६७४ ॥ सत्त मूलगोत्ता प० तं० कासवा गोयमा वच्छा कोच्छा कोसिया मंडवा वासिठ्ठा । जे कासवा ते सत्तविहा प० तं० ते कासवा ते संडेला ते गोल्ला ते वाला ते मुंजइणो ते पव्वपेच्छइणो ते वरिसकण्हा, जे गोयमा ते सत्त विहा प० तं० ते गोयमा ते गग्गा ते भारदा ते अंगिरसा ते सकराभा ते भक्खराभा ते उदगत्ताभा, जे वच्छा ते सत्त विहा प० त० ते वच्छा ते अग्गेया ते मित्तिया ते सामिलिणो ते सेलयया ते । अढ़िसेणा ते वीयकम्हा, जे कोच्छा ते सत्तविहा प० तं० ते कोच्छा ते मोग्गलायणा ते पिंगलायणा ते कोडीणा ते मंडलिणो ते हारिता ते सोमया, जे कोसिया ते सत्त विहा प० तं० ते कोसिया ते कच्चायणा ते सालंकायणा ते गोलिकायणा ते पक्खिकायणा ते अग्गिच्चा ते लोहिता, जे मंडवा ते सत्तविहा प० तं० ते मंडवा ते अरिठ्ठा ते समुता ते तेला ते एलावच्चा ते कंडिल्ला ते खारातणा, जे वासिठ्ठा ते
