________________
म०७]
सुत्तागमे
२७७
विभंगणाणेणं समुप्पन्नेणं देवामेव पासइ वाहिरम्भितरए पोग्गलए अपरियायिइत्ता पुढेगत्तं णाणत्तं जाव विउव्वित्ता णं चिठित्तए तस्स णमेवं भवइ अत्थि जाव समु. प्पन्ने अमुदग्गे जीवे, संतेगइया समणा वा माहणा वा एवमाहंसु मुदग्गे जीवे, जे ते एवमाहंसु मिच्छं ते एवमाहंसु, पंचमे विभंगणाणे । अहावरे छठे विभंगणाणे, जया णं तहारुवस्स समणस्स वा माहणस्स वा जाव समुप्पज्जति, से गं तेणं विभंगणाणेणं समुप्पन्नेणं देवामेव पासइ बाहिरब्भंतरए पोग्गले परियाइत्ता
वा, अपरियायिइत्ता वा पुढेगत्तं णाणत्तं फुसेत्ता जाव विकुव्वित्ता चिठ्ठित्तए तस्स ___णमेवं भवइ, अस्थि णं मम अइसेसे णाणदंसणे समुप्पन्ने रुवी जीवे संतेगइया समणा
वा माहणा वा एचमाहंसु अरूवी जीवे जे ते एवमाहंसु मिच्छं ते एवमाहंसु छठे विभंगणाणे । अहावरे सत्तमे विभंगणाणे जया णं तहारुवस्स समणस्स वा माहणस्स वा विभंगणाणे समुप्पज्जइ, से गं तेणं विभंगणाणेणं समुप्पन्नेणं पासइ सुहुमेणं वाउकाएणं फुडं पोग्गलकायं एयंतं वेयंतं चलंतं खुब्भं फंदंतं घट्टतं उदीरेतं तं तं भावं परिणमंतं तस्स णमेवं भवइ अस्थि णं मम अइसेसे णाणदंसणे समुप्पण्णे, सव्वमिणं जीवा संतेगइया समणा वा माहणा वा एवमाहंसु जीवा चेव अजीवा चेव जे ते एवमाहंसु मिच्छं ते एवमाहंसु तस्स णमिमे चत्तारि जीवनिकाया णो सम्ममुवगया भवंति तंजहा पुढविकाइया आऊ तेऊ वाउकाइया, इच्चेएहिं चउहिं जीवनिकाएहि मिच्छादंडं पवत्तेइ, सत्तमे विभंगणाणे ॥ ६५९ ॥ सत्तविहे जोणिसंगहे प० तं० अंडया पोयया जराउया रसया संसेयया संमुच्छिमा उब्भिया, अंडगा सत्तगइया सत्तागइया प० त० अंडगे अंडगेसु उववजमाणे अंडएहिंतो वा पोयएहिंतो वा जाव उभिएहिंतो वा उववजेजा से चेव णं से अंडए अंडगत्तं विप्पजहमाणे अंडयत्ताए वा पोययत्ताए वा जाव उन्भियत्ताए वा गच्छेज्जा, पोयया सत्तगइया सत्तागइया, एवं चेव, सत्तण्हवि गइरागई भाणियव्वा जाव उभियत्ति ॥ ६६० ॥ आयरियउवज्झायस्स णं गणंसि सत्तसंगहठाणा प० तं० आयरियउवज्झाए गणंसि आणं वा धारणं वा सम्मं पउंजित्ता भवइ, एवं जहा पंचठ्ठाणे जाव आयरियउवज्झाए गणंसि आपुच्छियचारी यावि भवइ, नो अणापुच्छियचारी यावि भवइ आयरियउवज्झाए गणंसि अणुप्पन्नाइं उवगरणाई सम्मं उप्पाइत्ता भवइ, आयरियउवज्झाए गणंसि पुन्वुप्पन्नाई उवकरणाइं सम्मं सारक्खेत्ता संगोवइत्ता भवइ नो असम्म सारक्खेत्ता संगोवित्ता भवइ ॥ ६६१ ॥ आयरियउवज्झायस्स णं गणसि सत्त असंगहठाणा प० त० आयरियउवज्झाए गणसि आणं वा धारणं वा नो सम्म पउंजित्ता भवइ, एवं जाव उवगरणाणं नो सम्मं सारक्खेत्ता संगोवेत्ता
