________________
अ० ६ ]
सुत्तागने
૨૦૧
वासिणो अंतरदीवगा ॥ ५६५ ॥ छव्त्रिहा ओसप्पिणी प० तं० सुसमसुसमा जाव दुसमदुसमा, छव्विहा उस्सप्पिणी प० तं० दुसमदुसमा जाव सुसमसुसमा ॥५६६ ॥ जंबुद्दीचे दीवे भरहेरवएसु वासेसु तीताए उस्सप्पिणीए सुसमसुसमाए समाए मणुया छच्च वणुसहस्साइं उढमुच्चत्तेगं हुत्था, छच अद्धपलिओ माई परमाउं पालयित्था ॥५६७॥ जंबुद्दीवे दीवे भरहेरवएस वासेसु इमीसे ओसप्पिणीए सुसमसुसमाए समाए एवं चेव ॥ ५६८ ॥ जंबू० भरहेरवए आगमिस्साए उस्सप्पिणीए सुसमसुसमाए समाए एवं चेव, जाव छच अद्धपलिओवमाईं परमाउं पालइस्संति ॥ ५६९ ॥ जंबुद्दीवे दीवे देवकुरुउत्तरकुरासु मणुया छधणुस्सहस्साई उद्धुं उच्चत्तेणं प० छच अद्धपलिओवमाई परमाउं पार्लेति ॥ ५७० ॥ एवं धायइसंडदीवपुरच्छिमद्धे चत्तारि आलावगा जाव पुक्खरवरदीवढपञ्चच्छिमद्धे चत्तारि आलावगा ॥ ५७१ ॥ छव्विहे संघयणे पतं० वइरोसभणारायसंघयणे, उसभणारायसंघयणे, नारायसंघयणे, अद्धनारायसंघयणे, कीलियासंघयणे, छेवट्ठसंघयणे ॥ ५७२ ॥ छव्विहे संठाणे पतं० समचउरंसे, णग्गोहपरिमंडले, साई, खुज्जे, वामणे, हुंडे ॥ ५७३ ॥ छठ्ठाणा अणत्तवओ अहियाए असुभाए जाव अणाणुगामियत्ताए भवति, तं० परियाए परियाले सुए तवे लाभ पूयासक्कारे ॥ ५७४ || छठ्ठाणा अत्तवतो हियाए जाव आगामि यत्ता भवंति तं परियाए परियाले जाव पूयासकारे ॥ ५७५ ॥ छन्विहा जाइअरिया मणुस्सा प० तं० अंबठ्ठा य कलंदा य वेदेहा वेदिगाइया; हरिता चुंचुणा चेव छप्पेया इन्भजाइओ ॥ ५७६ ॥ छव्विहा कुलारिया मणुस्सा प० तं० उग्गा भोगा राइन्ना इक्खागा णाया कोरवा ॥ ५७७ ॥ छव्विहा लोगठिई प० तं० आगासपइट्ठिए वाए वायपइट्ठिए उदही उदहिपठिया पुढवी पुढविपइठिया तसा थावरा पाणा अजीवा जीवपइठिया जीवा कम्मपइट्ठिया ॥ ५७८ ॥ छहिसाओ प० तं० पाईणा पडीणा दार्हिणा उईणा उड्ढा अहा ॥ ५७९ ॥ छहिं दिसाहिं जीवाणं गई पवत्तइ तं० पाईणाए जाव अहाए एवमागई वनंती आहारे वुट्टी निवडी विगुव्वणा गइपरियाए समुग्धाए कालसंजोगे दंसणाभिगमे णाणाभिगमे जीवाभिगमे अजीवाभिगमे एवं पंचिदियतिरिक्खजोणियाणवि मणुस्साणवि ॥ ५८० ॥ छहिं ठाणेहिं समणे णिग्गंथे आहारमाहारेमाणे णाइक्कमइ तं० वेयणवेयावचे इरियठाए य संजमठ्ठाए, तह पाणवत्तियाए छठ्ठे पुण धम्मचिताए, छहिं ठाणेहिं समणे णिग्गंथे आहारं वोच्छिदमाणे णाइकमा तं० आतंके उवसग्गे तितिक्खणे वंभचेरगुत्तीए पाणिदया तवहेउं सरीवुच्छेयणठ्ठाए ॥ ५८१ ॥ छहिं ठाणेहिं आया उम्मायं पाउणेजा तं० अरहंताणमवणं वदमाणे, अरहंतपन्नत्तस्स
