________________
सुत्तागमे
[टाणे २७२ धम्मस्स अवगं वदमाणे, आयरियउवज्ञायाणमवनं वदमाणे, चाउचानस्स संघस्स अवन्नं वदमाणे, जक्खावेसेण चेच मोहणिजस्स चेव कम्मस्म उदएणं ॥ ५८२ ॥ छविहे पमाए प० तं० मजपमाए, णिहपमाए, विसयपमाए, कसायपमाए, जूयपमाए, पडिलेहणापमाए ॥ ५८३ ॥ छव्विहा पमायपडिलेहणा प० तं० आरभडा संमद्दा, वजेयव्वा य मोसली तइया, पप्फोडगा चउत्थी विक्सित्ता वेइया छठी (१) छव्विहा अप्पमायपडिलेहणा प० तं० अणचावियं अवलितं, अणाणुबंधिं अमोसलिं चेव छप्पुरिमा णव खोडा पाणी पाणविसोहणी (२) ॥ ५८४ ॥ छ लेसाओ प० तं० कण्हलेसा जाव मुकलेसा, पंचिंदियतिरिक्खजोणियाण छ लेसाओ प० त० कण्हलेसा जाव सुकलेसा, एवं मणुस्सदेवाण वि ॥ ५८५ ॥ सकस्स णं देविंदस्स देवरन्नो सोमस्स महारन्नो छ अगमहिसीओ प० ॥ ५८६ ॥ सकस्स णं देविंदस्स देवरगणो जमस्स महारन्नो छ अग्गमहिसीओ प० ॥ ५८७ ॥ ईसाणस्स णं देविंदस्स मज्झिमपरिसाए देवागं छ पलिओवमाइं ठिई प० ॥ ५८८ ॥ छ दिसिकुमारिमहत्तरियाओ प० त० रुवा स्तंसा सुरुवा रूववई रूवक्ता रूयप्पभा, छ विज्जुकुमारिमहत्तरियाओ प० तं० आला सका सतेरा सोयामणी इंदा घणविजया ॥ ५८९ ॥ धरणस्स गं नागकुमारिंदरस नागकुमाररनो छ अग्गमहिसीओ प० तं० आला सक्का सतेरा सोयामणी इंदा घणविजुया, भूयाणंदस्स णं णागकुमारिंदस्स णागकुमाररण्णो छ अग्गमहिसीओ प० तं० रूवा रूवंसा सुरूवा रूववई रूवकंता रूयप्पभा, जहा धरणस्स तहा सव्वेसिं दाहिणिल्लाणं जाव घोसस्स, जहा भूयाणंदस्स तहा सव्वेसि उत्तरिल्लाणं जाव महाघोसस्स ॥ ५९० ॥ धरणस्स णं नागकुमारिदस्स नागकुमाररन्नो छसामाणियसाहस्सीओ पण्णत्ताओ, एवं भूयाणंदस्स वि जाव महाघोसस्स ॥ ५९१ ॥ छविहा उग्गहमई प० तं० खिप्पमोगिण्हइ बहुमोगिण्हइ बहुविधमोगिण्हइ धुवमोगिण्हइ अणिस्सियमोगिण्हइ असंदिद्धमोगिण्हइ ॥ ५९२ ॥ छव्विहा ईहामई प० तं० खिप्पमीहइ, वहुमीहइ, जाव असंदिद्धमीहइ ॥ ५९३ ॥ छव्विहा अवायमई प० तं० खिप्पमवेइ जाव असंदिद्धमवेइ छव्विहा धारणा प० तं० वहुं धारेइ बहुविहं धारेइ पोराणं धारेइ दुद्धरं धारेइ अणिस्सियं धारेइ असंदिद्धं धारेइ ॥ ५९४ ॥ छव्विहें वाहिरए तवे प० तं० अणसणं ओमोयरिया भिक्खायरिया रसपरिच्चाए कायकिलेसो पडिसंलीणया ॥ ५९५ ॥ छविहे अभंतरिए तवे प० तं० पायच्छित्तं विणओं वेयावच्चं तहेव सज्झाओ झाणं विउस्सग्गो ॥ ५९६ ॥ छविहे विवादे प० तं० ओसक्कइत्ता उस्सक्कइत्ता अणुलोमइत्ता पडिलोमइत्ता भइत्ता मेलइत्ता ॥ ५९७ ॥
