________________
म.६]
सुत्तोगमे
२६९
समप्पैति तं० जउणा सरऊ आदी कोसी मही (१) जंवूमंदरस्स दाहिणेणं सिधुमहाणइं पंचमहाणदीओ समप्पेंति तं० सय विभासा वितत्था एरावती चंदभागा (२) जंबूमंदरस्स उत्तरेणं रत्तामहानई पंचमहाणईओ समप्पेंति तं० किण्हा महाकिण्हा नीला महानीला-महातीरा (३) जंबूमंदरस्स उत्तरेणं रत्तावई महाणइं पंचमहाणईओ समप्पेंति तं० इंदा इंदसेणा सुसेणा वारिसेणा महाभोया (४) ॥ ५४२ ॥ पंच तित्थयरा कुमारवासमझे वसित्ता मुंडा जाव पवइया तं० वासुपुज्जे मल्ली अरिठ्ठनेमी पासे वीरे। चमरचंचाए णं रायहाणीए पंच सभा प० तं० सुहम्मासभा उववायसभा अभिसेयसभा अलंकारियसभा ववसायसभा, एगमेगे णं इंदठाणे णं पंच सभाओ प० तं० सुहम्मासभा जाव ववसायसभा। पंच मक्खत्ता पंच तारा प० तं० धणिठ्ठा रोहिणी पुणव्वसू हत्थो विमाहा, जीवा ण पंचठ्ठाणणिव्वत्तिए पोग्गले पावकम्मत्ताए चिणिंसु वा चिणंति वा चिणिस्संति वा तं० एगिदियनिव्वत्तिए जाव पंचिंदियनिव्वत्तिए एवं चिण उवचिण वंध उदीर वेद तह णिजरा चेव, पंचपएसिया खंधा अणंता प० पंचपएसोगाढा पोग्गला अणंता प० जाव पंच गुणलुक्खा पोग्गला अणंता पण्णत्ता ॥ ५४३ ॥ पंचसठाणस्स तइओ उद्देसो समत्तो, पंचमठाणं समत्तं ॥
छटाणं छहिं ठाणेहिं संपन्ने अणगारे अरिहइ गणं धारित्तए तं० सड्डी पुरिसजाए, सच्चे पुरिसजाए, मेहावी पुरिसजाए, वहुस्सुए पुरिसजाए, सत्तिमं, अप्पाहिगरणे, छहिं ठाणेहिं निग्गंथे निग्गंथिं गिण्हमाणे वा अवलंवमाणे वा नाइकमइ, तं० खित्तचित्तं, दित्तचित्तं, जक्खाइठ्, उम्मायपत्तं, उवसग्गपत्तं, साहिगरणं ॥ ५४४ ॥ छहिं ठाणेहिं निग्गंथा निग्गंथीओ य साहम्मियं कालगयं समायरमाणा णाइक्कमन्ति तं० अंतोहिंतो वा वाहिं णीणेमाणा, वाहिहिंतो वा निब्वाहिं णीणेमाणा, उवेहमाणा वा, उवासमाणा वा, अणुन्नवेमाणा वा, तुसिणीए वा संपन्वयमाणा ॥ ५४५ ॥ छ ठाणाई छउमत्थे सव्वभावेणं ण जाणइ ण पासइ तं० धम्मत्थिकायमधम्मत्थिकायमागासं जीवमसरीरपडिवद्धं परमाणुपोग्गलं सई एयाणि चेव उप्पन्ननाणदंसणधरे अरहा जिणे जाव सव्वभावेणं जाणइ पासइ धम्मत्थिकायं जाव सदं ॥५४६॥ छहिं ठाणेहिं सव्वजीवाणं णत्यि इड्डीति वा जुत्तीति वा जसेइ वा वलेइ वा वीरिएइ वा पुरिसक्कार जाव परक्कमेति वा तं० जीवं वा अजीवं करणयाए,अजीवं वा जीवं करणयाए, एगसमएणं वा दो भासाओ भासित्तए, सयं कडं वा कम्मं वेएमि वा मा वा वेएमि,
