________________
२६८
सुत्तागमे
[ ठाणे
जोयंति समगं उऊ परिणमंतिः णचन्हं णाइसीओ बहृदओ होइ णक्खत्ते ( १ ) ससिसगलपुण्णमासी जोएइ विसमचारिणक्खत्ते कडुओ बहूदओ या तमाहु संवच्छरं चंदं (२) विसमं पवालिगो परिणमंति, अणुदृसु देति पुप्फफलं; वासं ण सम्म वासइ तमाहु संवच्छरं कम्मं ( ३ ) पुढविदगाणं तु रसं पुप्फफलाणं तु देइ आदिचो; अप्पेण वि वासेणं सम्मं निप्फजए सस्सं ( ४ ) आइचतेयतविया खणलवदिवसा उऊ परिणमंति; पूरिति रेणुथलयाई, तमाहु अभिवड्ढियं जाण ५ ( ५३९ ) पंचविहे जीवस्स निजाणसग्गे प० तं० पाएहिं ऊरूहिं उरेणं सिरेणं सव्वंगेहिं पाएहिं निजाणमाणे णिरयंगामी भवइ ऊरुहिं णिजाणमाणे तिरियगामी भवइ उरेणं णिजाणमाणे मणुयगामी भवइ सिरेणं णिजाणमाणे देवगामी भवइ सव्वंगेहिं णिजाणमाणे सिद्धिगइपज्जवसाणे पण्णत्ते, पंचविहे छेयणे प० तं० उप्पायच्छेयणे वियच्छेयणे वंधच्छेयणे पएसच्छेयणे दोधारच्छेयणे, पंचविहे आणंतरिए प० तं० उप्पायणंतरिए वियणंतरिए पएसाणंतरिए समयाणंतरिए सामण्णाणंतरिए । पंचविहे अनंते प० तं णामणंतए ठवणानंतर दव्वाणंतए गणणाणंतए पएसाणंतए, अहवा पंचविहे अनंतए प० तं० एगओऽतए दुहओतए देसवित्थाराणंतए सव्ववित्थारानंतर सासयाणंतए ॥ ५४० ॥ पंचविहे णाणे प० तं० आभिणिवोहियणाणे सुयणाणे ओहिणाणे मणपजवगाणे केवलणाणे पंचविहे णाणावरणिजे कम्मे प० तं० अभिणिबोहियणाणावरणिजे जाव केवलणाणावरणिजे, पंचविहे सज्झाए पतं० वायणा पुच्छणा परियट्टणा अणुप्पेहा धम्मकहा, पंचविहे पञ्चकखाणे प० तं सद्दहणसुद्धे विणयसुद्धे अणुभासणासुद्धे अणुपालणासुद्धे भावसुद्धे पंचविहे पडिक्कमणे प० तं० आसवदार पडिक्कमणे मिच्छत्तपडिकमणे कसायपडिक्कमणे जोगपडिक्कमणे भावपडिक्कमणे पंचहिं ठाणेहिं सुत्तं वाएजा तं० संगहठ्ठयाए उवग्गहणठ्ठयाए निजरणठ्ठयाए सुत्ते वा मे पज्जवयाए भवि - रसइ सुत्तस्स वा अवोच्छित्तिणयठ्ठयाए पंचहि ठाणेहिं सुत्तं सिक्खिजा तं० णाणट्ट्याए दंसणठ्याए चरितठ्ठयाए बुग्गहविमोयणठ्ठयाए अहत्थे वा भावे जाणिस्सामीति कट्टु, सोहम्मीसाणेसु णं कप्पेसु विमाणा पंचवण्णा प० तं० किण्हा जाव सुकिला (१) सोहम्मीसाणेसु णं कप्पेसु विमाणा पंचजोयणसयाई उ उच्चत्ते प० (२) वंभलोगलंतएसु णं कप्पेसु देवाणं भवधारणिजसरीरगा उक्कोसेणं पंचरयणीओ उर्दू उच्चत्तेनं प० (३) णेरइया णं पंचवण्णे पंचरसे पोग्गले बंधेसु वा बंधंति वा वंधिस्संति वा तं० किण्हे जाव सुकिल्ले, तित्ते जाव मधुरे, एवं जाव वेमाणिया ॥ ५४१ ॥ जंबुद्दीवे दीवे मंदरस्स पव्वयस्स दाहिणेणं गंगामहाणई पंचमहाणईओ
