________________
कार्य जीव असरीरपाल पासइ तं० धम्माथि पचठाणाई छउमा
म०५ उ०३] सुत्तागसे
२६७ पुत्तणिही मित्तणिही सिप्पणिही धणणिही धन्नणिही पंचविहे सोए प० तं० पुढविसोए आउसोए तेउसोए मंतसोए बंभसोए, पंचठाणाई छउमत्थे सव्वभावेणं ण जाणइण पासइ तं० धम्मस्थिकायं अधम्मत्थिकायं आगासत्थिकायं जीवं असरीरपडिवद्धं परमाणुपोग्गलं, एयाणि चेव उप्पण्णणाणदंसणधरे अरहा जिणे केवली सव्वभावेणं जाणइ पासइ धम्मत्थिकायं जाव परमाणुपोग्गलं । अहे लोगे णं पंच अणुत्तरा महइमहालया महाणिरया प० तं० काले महाकाले रोरुए महारोरुए अप्पइठाणे, उड्डलोगे णं पंच अणुत्तरा महइमहालया महाविमाणा प० तं० विजये वेजयंते जयंते अपराजिए सव्वठ्ठसिद्धे ॥ ५३५ ॥ पंच पुरिसजाया प० तं० हिरिसत्ते हिरिमणसत्ते चलसत्ते थिरसत्ते उदयणसत्ते पंच मच्छा प० त० अणुसोयचारी पडिसोयचारी अंतचारी मज्झचारी सव्वचारी, एवामेव पंच मिक्खागा प० तं० अणुसोयचारी जाव सव्वसोयचारी पंच वणीमगा प० तं० अतिहिवणीमए किवणवणीमए माहणवणीमए साणवणीमए समणवणीमए । पंचहिं ठाणेहिं अचेलए पसत्थे भवइ तं० अप्पा पडिलेहा लापविए पसत्थे रूवेवेसासिए तवे अणुण्णाए विउले इंदियनिग्गहे पंच उकला प० तं० दंडुक्कले रज्जुकले तेणुक्कले देसुक्कले सव्वुक्कले पंच समिईओ प० तं० इरियासमिई भासा जाव पारिठावणियासमिई ॥ ५३६ ॥ पंचविहा संसारसमावन्नगा जीवा प० तं० एगिदिया जाव पंचिंदिया, एगिदिया पंचगइया पंचागइया प० तं० एगिदिए एगिदिएसु उववजमाणे एगिदिएहिंतो वा जाव पंचिंदिएहितो वा उववज्जेज्जा से चेवणं से एगिदिए एगिदियत्तं विप्पजहमाणे एगिदियत्ताए वा जाव पंचिंदियत्ताए वा गच्छेजा, बेइंदिया पंचगइया पंचागइया एवं चेव, एवं जाव पंचिंदिया पंचगइया पंचागइया प० तं० पंचिंदिया जाव गच्छेजा ॥ ५३७ ॥ पंचविहा सव्वजीवा प० तं० कोहकसाई जाव लोभकसाई अकसाई, अहवा पंचविहा सव्वजीवा प० तं० नेरइया जाव देवा सिद्धा, अह भंते ! कलमसूरतिलमुग्गमासणिप्फावकुलत्थआलिसंदगसईणपलिमंथगाणं एएसि णं धन्नाणं कुछाउत्ताणं जहा सालीणं जाव केवइयं कालं जोणी संचिठ्ठइ ? गोयमा ! जहण्णेणं अंतोमुहुत्तं उक्कोसेणं पंच संवच्छराई, तेण परं जोणी पमिलायइ जाव तेण परं जोणीवोच्छेदे पण्णत्ते ॥ ५३८ ॥ पंच संवच्छरा प० त० णक्खत्तसंवच्छरे जुगसंवच्छरे पमाणसंवच्छरे लक्खणसंवच्छरे सणिचरसंवच्छरे, जुगसंवच्छरे पंचविहे प० तं० चंदे चंदे अभिवडिए चंदे अभिवढिए चेव, पमाणसंवच्छरे पंचविहे प० तं० णक्खत्ते चंदे उऊ आइच्चे अभिवड़िए लक्खणसंवच्छरे पंचविहे प० तं० समगं नक्खत्ता जोगं
