________________
सुत्तागमे
[ठाणे
२६६ अगंधे अरसे अफासे, गुणओ गमणगुणे य (१) अधम्मत्यिकाए अवन्ने एवं चेव नवरं गुणओ ठाणगुणे (२) आगासत्थिकाए अवन्ने एवं चेव णवरं खेत्तओ लोगालोगप्पमाणमित्ते गुणओ अवगाहणागुणे सेसं तं चेव (३) जीवस्थिकाए णं अवन्ने एवं चेव णवरं दव्वओणं जीवत्थिकाए अणंताई दव्वाइं, अस्वी जीवे सासए, गुणओ उवओगगुणे, सेसं तं चेव (४) पोग्गलत्थिकाए पंचवन्ने पंचरसे दुगंधे अठ्ठफासे रूवी अजीवे सासए अवठ्ठिए जाव दव्वओ णं पोग्गलत्यिकाए अणंताई दव्वाई, खेत्तओ लोगपमाणमेत्ते, कालओ ण कयाइ णासी जाव णिचे भावओ वण्णमंते गंधमंते रसमंते फासमंते, गुणओ गहणगुणे ॥ ५३० ॥ पंच गईओ प० तं० निरयगई तिरियगई मणुयगई देवगई सिद्धिगई। पंच इंदियत्था प० तं० सोइं. दियत्थे जाव फासिदियत्थे पंच मुंडा प० तं०-सोइंदियमुंडे जाव फासिदियमुंडे, अहवा पंच मुंडा प० तं० कोहमुंडे, माणमुंडे, मायामुंडे, लोभमुंडे, सिरमुंडे ॥५३१ ॥ अहे लोगे णं पंच वायरा प० तं० पुढविकाइया आउ० वाउ० वणस्सइकाइया उराला तसा पाणा ॥ उद्दलोगे णं पंच वायरा, एए चेव, तिरियलोगे गं पंच वायरा प० तं० एगिदिया जाव पंचिदिया। पंच विहा वादरतेउकाइया प० तं० इंगाले जाला मुम्मुरे अच्ची अलाए, बादवाउकाइया पंचविहा प० तं० पाईणवाए पडीणवाए उदीगवाए दाहिणवाए विदिसिवाए पंचविहा अचित्ता वाडकाइया प० तं० अकंते धंते पीलिए सरीराणुगए संमुच्छिमे ॥ ५३२ ॥ पंच नियंठा प० तं० पुलाए बउसे कुसीले नियंठे सिणाए । धुलाए पंच विहे प० तं. गाणपुलाए दंसणपुलाए चरित्तपुलाए लिगपुलाए अहासहुमपुलाए नामं पंचमे । बउसे पंचविहे प० तं० आभोगबउसे अणाभोगवउसे संवुडवउसे असंवुडवउसे अहासुहुमवउसे णामं पंचमे । कुसीले पंचविहे प० तं० णाणकुसीले दंसणकुसीले चरित्तकुसीले लिंगकुसीले अहासुहुमकुसीले णामं पंचमे । नियंठे पंचविहे प० तं० पढमसमयनियंठे अपढमसमयनियंठे चरिमसमयनियंठे अचरिमसमयनियंठे अहासहुमनियंठे णामं पंचमे। लिणाए पंच विहे प० त० अच्छवी असबले अकमंसे संसुद्धणाणदंसणधरे अरहा जिणे केवली अपरिस्सावी ॥ ५३३ ॥ कप्पइ निगंथाणं वा निग्गंथीगं वा पंचवत्थाई धारेत्तए वा परिहरित्तए वा तं० जंगिए खोमिए साणए पोत्तिए तिरीडपट्टए णामं पंचमए। कप्पइ निग्गंथाण वा निग्गंथीण वा पंच रयहरणाइं धारित्तए वा परिहरित्तए वा, तंजहा-उण्णिए उट्टिए साणए पञ्चापिचियए मुंजापिच्चिए णामं पंचमे ॥ ५३४ ॥ धम्मं चरसाणस्ल पंच निस्साटाणा प० तं० छकाए गणो राया गिहवई सरीरं । पंच णिही प० तं०
