________________
२०१८ सुत्तागमे
[ठाणे कि मे थेरा करिस्संति ? पंचहिं ठाणेहिं समणे निग्गंथे साहम्मियं पारंचियं करेमाणे णाइक्कमइ तं०सकुले वसइ कुलस्स भेयाए अब्भुठेत्ता भवइ, गणे वसइ गणस्स भेयाए अब्भुठेत्ता भवइ हिंसप्पेही छिद्दप्पेही अभिक्खणं अभिक्खणं पसिणायतणाइं पउंजित्ता भवइ, आयरियउवज्झायस्स णं गणंसि पंचवुग्गहठ्ठाणा प० तं० आयरियउवज्झाए णं गणंसि आणं वा धारणं वा नो सम्मं पउंजित्ता भवइ, आयरियउवज्झाए णं गणंसि आहाराइणियाए किइकम्मं णो सम्मं पउंजित्ता भवइ, आयरियउवज्झाए णं गणंसि जे सुयपजवजाए धारेन्ति ते काले २ णो सम्ममणुप्पवाएत्ता भवइ, आयरियउवज्झाए णं गणसिं गिलाणसेहवेयावचं णो सम्ममन्मुठेत्ता भवइ, आयरियउवज्झाए णं गणंसि अणापुच्छियचारी यावि भवइ, णो आपुच्छियचारी, आयरियउवज्झायस्स णं गणंसि पंच अबुग्गहठ्ठाणा पतं० आयरियउवज्झाए णं गणंसि आणं वा धारणं वा सम्म पउंजित्ता भवइ एवमहाराइणियाए सम्मं किइकम्मं पउंजित्ता भवइ, आयरियउवज्झाए शंगणंसि जे सुयपजवजाए धारेन्ति ते काले २ सम्ममणुपवाइत्ता एवं गिलाणसेहवेयावचं सम्मं अब्भुट्टित्ता भवइ, आयरियउवज्झाए णं गणसि आपुच्छियचारी यावि भवइ, णो अणापुच्छियचारी ॥४९॥ पंच निसिजाओ प० तं० उकुडया गोदोहिया समपायपुया पलियंका अद्धपलियंका।।४९८॥ पंच अजवठाणा प०तं० साहुअज्जवं साहुमद्दवं साहुलाघवं साहुखंती साहुमुत्ती ॥४९९॥ पंच विहा जोइसिया प० तं० चंदा सूरा गहा णक्खत्ता ताराओ॥ ५०० ॥ पंच विहा देवा प० तं० भवियव्वदेवा गरदेवा धम्मदेवा देवाइदेवा भावदेवा ॥ ५०१॥ पंचविहा परियारणा प० तं. कायपरियारणा फासपरियारणा रूवपरियारणा सहपरियारणा मणपरियारणा ॥ ५०२ ॥ चमरस्स णं असुरिंदस्स असुरकुमाररण्णो पंच अग्गमहिसीओ प० तं० काली राई रयणी विजू मेहा, वलिस्स णं वइरोयणिंदस्स वइरोयणरण्णो पंच अग्गमहिंसीओ प० तं० सुभा णिसुभा रंभा णिरंभा मयणा ॥५०३॥ चमरस्स णं असुरिदस्स असुरकुमाररण्णो पंच संगामिया अणिया पंच संगामिया अणियाहिवई प० तं० पायत्ताणिए पीढाणिए कुंजराणिए महिंसाणिए रहाणिए, दुमे पायत्ताणियाहिवई सोदामे आसराया पीढाणियाहिवई कुंथू हत्थिराया कुंजराणियाहिवई लोहियक्खे महिसाणियाहिवई किण्णरे रहाणियाहिवई, बलिस्स णं वइरोयणिंदस्स वइरोयणरण्णो पंच संगामिया अणिया पंच संगामिया अणियाहिंवई प० तं० पायत्ताणिए जाव रहाणिए, महादुमे पायत्ताणियाहिवई महासोदामे आसराया पीढाणियाहिवई मालंकारे हत्थिराया कुंजराणियाहिवई महालोहिअक्खे महिसाणियाहिवई किंपुरिसे रहाणियाहिवई, धरणिदस्स णं णागिंदस्स नागकुमाररण्णो पंच संगामिया अणिया
