________________
म. ५ उ००
सुत्तागसे
ર૭
पंचरसा प० तं० किण्हा जाव सुकिला तित्ता जाव मधुरा, एवं निरंतरं जाव वेमाणियाणं ॥ ४९१ ॥ पंच सरीरगा प० तं० ओरालिए वेउविए आहारए तेयए कम्मए, ओरालियसरीरे पंचवण्णे पंचरसे प० तं० किण्हे जाव सुकिल्ले, तित्ते जाव महुरे, एवं जाव कम्मगसरीरे, सव्वे विणं वादरवोंदिधरा कलेवरा पंचवण्णा पंचरसा दुगंधा अठ्ठफासा ॥ ४९२ ॥ पंचहि ठाणेहिं पुरिमपच्छिमगाणं जिणाणं दुग्गम भवइ तं० दुआइक्खं दुविभजं दुपस्सं दुतितिक्खं दुरणुचरं। पंचहिं ठाणेहिं मज्झिमगाणं जिणाणं सुगम भवइ तं० सुआइक्खं सुविभजं सुपस्सं सुतितिक्खं सुरणुचरं ।। ४९३ ॥ पंचठाणाई समणेणं भगवया महावीरेणं समणाणं निग्गंथाणं णिचं वणियाई णिच्चं कित्तियाई णिचं वुइयाई णिचं पसत्थाई णिञ्चमब्भणुण्णायाइं भवंति तं० खंती मुत्ती अजवे मद्दवे लाघवे, पंचठाणाइं समणाणं जाव अभणुण्णायाइं भवंति तं० सच्चे संजमे तवे चियाए वंभचेरवासे ॥ ४९४ ॥ पंचठागाइं समणाणं जाव अभणुण्णायाई भवंति तं० उक्वित्तचरए णिक्खित्तचरए अंतचरए पंतचरए लूहचरए, पंचठाणाइं जाव अब्भणुण्णायाई भवंति तं० अन्नायचरए अन्नवेलचरए मोणचरए संसठ्ठकप्पिए तज्जायसंसठ्ठकप्पिए, पंचठाणाई जाव अब्भणुण्णायाइं भवंति तं० उवनिहिए सुद्धसणिए संखादत्तिए 'दिठ्ठलाभिए पुठुलाभिए, पंचठाणाइं जाव अब्भणुण्णायाइं भवंति तं० आयंबिलिए निम्वियए पुरिमडिए परिमियपिंडवाइए भिन्नपिंडवाइए, पंचठाणाइं जाव अन्भणुण्णायाई भवंति तं० अरसाहारे विरसाहारे अंताहारे पंताहारे लूहाहारे, पंचठाणाइं जाव भवंति तं० अरसजीवी विरसजीवी अंतजीवी पंतजीवी लूहजीवी, पंचठाणाई जाव भवंति तंजहा-ठाणाइए उक्कुडआसणिए पडिमठाई वीरासणिए णेसज्जिए, पंचठाणाई जाव भवंति तं० दंडायइए लगंडसाई आयावए अवाउडए अकंडयए ॥ ४९५ ॥ पंचहिं ठाणेहिं समणे णिग्गंथे महानिजरे महापज्जवसाणे भवइ तं० अगिलाए आयरियवेयावच्चं करेमाणे एवं उवज्झायवेयावच्चं थेरवेयावच्चं तवस्सिवेयावचं गिलाणवेयावच्चं करेमाणे, पंचहि ठाणेहिं समणे णिग्गंथे महानिजरे महापज्जवसाणे भवइ तं० अगिलाए सेहवेयावच्चं करेमाणे, अगिलाए कुलवेयावच्चं करेमाणे, अगिलाए गणवेयावच्चं करेमाणे, अगिलाए संघवेयावच्चं करेमाणे, अगिलाए साहम्मियवेयावच्चं करेमाणे ॥ ४९६ ॥ पंचहि ठाणेहि समणे निरगंथे साहम्मियं संभोइयं विसंभोइयं करेमाणे णाइकमइ तं० सकिरियठाणं पडिसेवित्ता भवति पडिसेवित्ता णो आलोएइ आलोएत्ता णो पठुवेइ पठ्ठवेत्ता णो णिव्विसइ जाई इमाइं थेराणं ठिइप्पकप्पाइं भवंति ताई अइयंचिय २ पडिसेवेइ से हंद हं पडिसेवामि
१७ सुत्ता
