________________
सुत्तागमे
[गणे
२५६ मेहुणाओ वेरमगं (सदारसंतोसे ), इच्छापरिमाणे ॥ ४८४ ॥ पंच वण्णा प० त० किण्हा नीला लोहिया हालिद्दा सुकिल्ला, पंचरला प० तं० तित्ता कडुया कसाया अंबिला महुरा, पंचकामगुणा प० तं० सद्दा रूवा गंधा रसा फासा, पंचहिं ठाणेहिं जीवा सज्जति तं० सद्देहिं जाव फासेहिं, एवं रजति मुच्छंति गिज्झति अज्झोववज्जति, पंचहिं ठाणेहिं जीवा विणिघायमावर्जति तं० सद्देहिं जाव फासेहिं, पंच ठाणा अपरिणाया जीवाणं अहियाए असुभाए अखमाए अणिस्सेयसाए अणाणुगामियत्ताए भवंति तं० सद्दा जाव फासा, पंचठाणा सुपरिणाया जीवाणं हियाए सुभाए जाव आणुगामियत्ताए भवंति तं० सदा जाव फासा, पंच ठाणा अपरिण्णाया जीवाणं दुग्गइगमणाए भवंति तं० सदा जाव फासा, पंचठाणा परिण्णाया जीवाणं सुगइगमणाए भवंति तं० सदा जाव फासा ।। ४८५॥ पंचहिं ठाणेहिं जीवा दुग्गइं गच्छंति तं० पाणाइवाएणं जाव परिग्गहेणं, पंचहिं ठाणेहिं जीवा सोगई गच्छंति तं० पाणाइवायवेरमणेगं जाव परिग्गहवेरमणेणं ॥ ४८६ ।। पंच पडिमाओ प० तं० भद्दा सुभद्दा महाभद्दा सवओभद्दा भद्दुत्तरपडिमा ॥ ४८७ ॥ पंच थावरकाया प० तं० इंदे थावरकाए विबे थावरकाए सिप्पे थावरकाए संमई थावरकाए पायावच्चे थावरकाए, पंच थावरकायाहिवई प० तं० इंदे थावरकायाहिवई, जाव पायावच्चे थावरकायाहिवई ॥ ४८८ ॥ पंचहिं ठाणेहिं
ओहिदंसणे समुप्पजिउकामेवि तप्पडमयाए खंभाएजा तं० अप्पभूयं वा पुढविं पासित्ता तप्पडमयाए खंभाएजा, कुंथुरासिभूयं वा पुढविं पासित्ता तप्पढमयाए खंभाएज्जा, महइमहालयं वा महोरगसरीरं पासित्ता तप्पढमयाए खंभाएजा, देवं वा महिड्डियं जाव महेसक्खं पासित्ता तप्पढमयाए खंभाएजा, पुरेसु वा पोराणाई महइमहालयाई महाणिहाणाइं पहीणसामियाई पहीणसेउयाइं पहीणगुत्तागाराइं उच्छिण्णसामियाइं उच्छिण्णसेउयाई उच्छिण्णगुत्तागाराइं जाई इमाई गामागरणगरखेडकब्बडमंडवदोणमुहपट्टणासमसंवाहसंनिवेसेसु सिंघाडगतिगचउक्कचच्चरचउम्मुहमहापहपहेसु णगरणिद्धमणेसु सुसाणसुण्णागारगिरिकंदरसंतिसेलोवठ्ठावणभवणगिहेसु संनिक्खित्ताई चिठ्ठति ताई वा पासित्ता तप्पढमयाए खंभाएजा, इच्चेएहि पंचहिं ठाणेहिं ओहिदसणे समुप्पजिउकामे तप्पढमयाए खंभाएजा॥४८९॥ पंचहि ठाणेहिं केवलवरनाणदंसणे समुप्पजिउकामे तप्पढमयाए णो खंभाएजा तं० अप्पभूयं वा पुढवि पासित्ता तप्पढमयाए णो खंभाएजा सेसं तहेव जाव भवणगिहसु संनिक्खित्ताई चिठ्ठति ताई वा पासित्ता तप्पटमयाए णो खंभाएजा, सेसं तहेव, इनाएहिं पंचहिं ठाणेहिं जाव णो खंभाएजा॥ ४९० ॥णेरइयाणं सरीरगा पंचवण्णा
