________________
२४४ सुत्तागसे
[ ठाणे चउहि ठाणेहिं देविंदा माणुसं लोग हव्वमागच्छंति, एवं जहा तिठाणे जाव लोगतिया देवा माणुस्सं लोगं हव्वमागच्छेज्जा तं० अरिहंतेहिं जायमाणेहिं जाव अरिहंताणं परिनिव्वाणमहिमासु ॥ ४१० ॥ चत्तारि दुहसेज्जाओ प० तं० तत्थ खलु इमा पढमा दुहलेजा से णं मुंडे भवित्ता अगाराओ अणगारियं पव्वइए निग्गंधे पावयणे संकिए कंखिए वितिगिच्छिए भेयसमावन्ने कलुससमावण्णे निग्गंथं पावयणं णो सद्दहइ णो पत्तियइ णो रोएइ, निग्गंथं पावयणं असद्दहमाणे अपत्तियमाणे अरोएमाणे मगं उच्चावयं नियच्छइ विणिघायमावज्जइ पढमा दुहसेज्जा, अहावरा दोचा दुहसेजा से णं मुंडे भवित्ता अगाराओ अणगारियं पव्वइए सएणं लाभेणं णो तुस्सइ परस्स लाभमासाएइ पीहेइ पत्थेइ अभिलसइ परस्स लाभमासाएमाणे जाव अभिलसमाणे मणं उच्चावयं नियच्छइ विणिघायमावजइ दोचा दुहसेजा, अहावरा तच्चा दुहसेज्जा, से णं मुंडे भवित्ता अगाराओ अणगारियं पव्वइए दिव्वे माणुस्सए कामभोगे आसाएइ जाव अभिलसइ दिव्वे माणुस्सए कामभोए आसाएमाणे जाव अभिलसमाणे मणं उच्चावयं णियच्छइ, विणिघायमावजइ तच्चा दुहसेजा, अहावरा चउत्था दुहसेजा से णं मुंडे भवित्ता जाव पव्वइए तस्स णमेवं भवइ जया णं अहमगारवासमावसामि तया णमहं संवाहणपरिसद्दणगायभंगगाउच्छोलणाई लभामि जप्पभिइं च णं अहं मुंडे भवित्ता जाव पव्वइए तप्पभिइंचणं अहं संवाहणं जाव गाउच्छोलणाई णो लभामि से णं संवाहणं जाव गाउच्छोलणाइं आसाएइ जाव अभिलसइ से णं संवाहणं जाव गाउच्छोलणाई आसाएमाणे जाव मणं उच्चावयं नियच्छइ विणिघायमावजइ चउत्था दुहसेज्जा ॥ ४११ ॥ चत्तारि सुहसेजाओ प० तं० तत्थ खलु इमा पढमा लुहसेजा से णं मुंडे भवित्ता अगाराओ अणगारियं पव्वइए निग्गंथे पावयणे जिस्संकिए णिकंखिए, णिन्वितिगिच्छिए, णो भेयसमावण्णे णो कलुससमावण्णे णिग्गंथं पावयणं सद्दहइ पत्तियइ रोएइ णिग्गंथं पावयणं सद्दहमाणे पत्तियमाणे रोएमाणे णो मणं उच्चावयं नियच्छइ, णो विणिघायमावजइ पढमा सुहसेजा, अहावरा दोच्चा सुहसेज्जा से णं मुंडे भवित्ता जाव पव्वइए सएणं लाभेग तुस्सइ, परस्स लाभं णो आसाएइ, णो पीहेइ, णो पत्थेइ, णो अभिलसइ, परस्स लाभमणासाएमाणे जाव अणभिलसमाणे णो मणं उच्चावयं णियच्छइ, णो विणिघायमावजइ, दोच्चा सुहसज्जा, अहावरा तच्चा सुहसेजा, से णं मुंडे भवित्ता जाव पव्वइए दिव्वमाणुस्सए कामभोगे णो आसाएइ जाव णो अभिलसइ, दिव्वमाणुस्सए कामभोगे अणासाएमाणे जाव अणमिलसमाणे णो मणं उच्चावयं नियच्छइ णो विणिघायमावजइ, तच्चा सुहसेज्जा,
