________________
अ० उ०३] सुत्तागमे
२४३ इच्छेन्ना माणुसं लोगं हत्वमागच्छित्तए णो चेव णं संचाएइ हन्वमागच्छित्तए तं० अहुणोववन्ने देवे देवलोगेसु दिन्वेसु कामभोगेसु मुच्छिए गिद्धे गढिए अज्झोववन्ने से णं माणुस्सए कामभोगे णो आढाइ णो परियाणाइ णो अह्र बंधइ णो णियाणं पगरेइ, णो ठिइप्पगप्पं पगरेइ, अहुणोववन्ने देवे देवलोगेसु दिव्वेसु कामभोगेसु मुच्छिए ४ तस्स णं माणुस्सए पेमे वोच्छिण्णे दिव्वे पेमे संकंते भवइ, अहुणोववन्ने देवे देवलोएसु दिन्वेसु कामभोगेसु मुच्छिए ४ तस्स णं एवं भवइ, इयहि गच्छं मुहुत्तेण गच्छं तेणं कालेणमप्पाउआ मणुस्सा कालधम्मुणा संजुत्ता भवंति, अहुणोववन्ने देवे देवलोएसु दिव्वेसु कामभोगेसु मुच्छिए ४ तस्स णं माणुस्सए गंधे पडिकूले पडिलोमे यावि भवइ, उ8 पिय णं माणुस्सए गंधे जाव चत्तारिपंचजोयणसयाई हव्वमागच्छइ ४ इन्चेएहिं चउहि ठाणेहिं अहुणोववन्ने देवे देवलोएसु इच्छेजा माणुस लोगं हव्वमागच्छित्तए णो चेव णं संचाएइ हन्वमागच्छित्तए ॥४०८॥ चउहिं ठाणेहिं अहुगोववने देवे देवलोएसु इच्छेजा माणुसं लोग हव्वमागच्छित्तए संचाएइ हव्वमागच्छित्तए तं. अहुणोववण्णे देवे देवलोगेसु दिव्वेसु कामभोगेसु अमुच्छिए जाव अणज्झोववण्णे तस्स णं एवं भवइ अत्थि खलु मम माणुस्सए भवे आयरिएइ वा उवज्झाएइ वा पवत्तीइ वा थेरेइ वा गणीइ वा गणहरेइ वा गणावच्छेएइ वा जेसिं पभावेण मए इमा एयारूवा दिव्वा देविड्डी दिव्वा देवजुई लद्धा पत्ता अभिसमण्णागया तं गच्छामि गं ते भगवंते वंदामि जाव पजुवासामि, अहुणोववन्ने देवे देवलोएसु जाव अणज्झोववण्णे तस्स णं एवं भवइ एस णं माणुस्सए भवे णाणीइ वा तवस्सीइ वा अइदुक्करदुक्करकारए तं गच्छामि णं भगवन्तं वंदामि जाव पजुवासामि, अहुणोववन्ने देवे जाव अणज्झोववण्णे तस्स णं एवं भवइ अत्थि णं मम माणुस्सए भवे मायाइ वा जाव सुण्हाइ वा तं गच्छामि णं तेसिमंतियं पाउब्भवामि पासंतु ता मे इममेयारूत्रं दिव्वं देविढि दिव्वं देवजुई लद्धं पत्तं अभिसमण्णागयं, अहुणोववन्ने देवे देवलोएसु जाव अणझोववन्ने तस्स णं एवं भवइ अत्यि णं मम माणुस्सए भवे मित्तेइ वा सुहीइ वा सहीइ वा सहाएइ वा संगइए वा तेसिं च णं अम्हे अण्णमण्णस्स संगारे पडिसुए भवइ, जो मे पुन्विं चयइ से संवोहियव्वे इच्चेएहिं जाव संचाएइ हव्वमागच्छित्तए ॥ ४०९ ॥ चउहिं ठाणेहिं लोगंधगारे सिया तं० अरिहंतेहिं वोच्छिज्जमाणेहि, अरिहंतपण्णत्ते धम्मे वोच्छिज्जमाणे पुन्वगए वोच्छिजमाणे जायतेए वोच्छिन्नमाणे, चउहि ठाणेहिं लोउज्जोए सिया तं०अरिहंतेहि जायमाणेहिं, अरिहंतेहिं पन्वयमाणेहिं, अरिहंताणं णाणुप्पायमहिमासु, अरिहंताणं परिनिव्वाणमहिमासु, एवं देवंधगारे देवुजोए देवसन्निवाए देवुक्कलिया देवकहकहए,
