________________
[ ठाणे
२२४
सुत्तागमे
इच्छेजा माणुसं लोगं हव्वमागच्छित्तए णो चेव णं संचाएइ हव्वमागच्छित्तए, अहुणोववन्ने णेरइए णिरयलोगंसि णिरयपालेहिं भुज्जो भुंज्जो अहिठ्ठिजमाणे इच्छेजा माणुसं लोगं हव्वमागच्छित्तए, नो चेव णं संचाएइ हव्वमागच्छित्तए, अहुणोववन्ने रइए णिरयवेयणिज्जंसि कम्मंसि अक्खीणंसि अवेइयंसि अणिजिणंसि इच्छेजा० नो चेवणं संचाएइ, हव्वमागच्छित्तए, एवं णिरयाउअंसि कम्मंसि अक्खीणंसि, जाव णो संचाएइ हव्वमागच्छित्तए इच्चे एहिं चउहिं ठाणेहिं अहुणोववन्ने नेरइए जाव णो चेव णं संचाएइ हव्वमागच्छित्तए ॥ ३०६ ॥ कप्पंति णिग्गंधीणं चत्तारि संघाडीओ धारित्तए वा परिहरित्तए वा तं ० एवं दुहत्यवित्थारं, दोतिहत्यवित्थाराओ, एगं चं उत्थवित्थारं ॥ ३०७ ॥ चत्तारि झाणा प० तं० अट्टे झाणे, रोद्दे झाणे, धम्मे झाणे, सुक्के झाणे, अट्टे झाणे चउव्विहे प० तं० अमणुन्नसंपओगसंपउत्ते तस्स विप्पओगसतिसमण्णागए यावि भवइ, मणुन्नसंपओगसंपत्ते तस्स अविप्पओगसतिसमण्णागए यावि भवइ, आयंकसंपओगसंपत्ते तस्स विप्पओगसतिसमण्णा यावि भवइ, परिजुसियकामभोगसंपओगसंपत्ते तस्स अविप्पओगसतिसमण्णागए यावि भवइ, अट्टस्सणं झाणस्स चत्तारि लक्खणा प० तं० कंदणया, सोयणया, तिप्पणया परिदेवणया, रोद्दे झाणे चउव्विहे प० तं० हिंसाणुबंधि, मोसाणुबंधि तेणाणुबंधि संरक्खणाणुबंधि । रोहस्स णं आणस्स चत्तारि लक्खणा प० तं० ओसन्नदोसे, बहुलदोसे, अन्नाणदोसे आमरणंतदोसे | धम्मे झाणे चउव्विहे चउपडोयारे प० तं० आणाविजए, अवायविजए, विवागविजए, संठाणविजए । धम्मस्स णं झाणस्स चत्तारि लक्खगा प० तं० आणारुई, णिसग्गरुई, सुत्तरुई, ओगाढरुई । धम्मस्स णं झाणस्स चत्तारि आलंबणा प० तं० वायणा, पडिपुच्छणा, परियट्टणा, अणुप्पेहा । धम्मस्सं णं झाणस्स चत्तारि अणुप्पेहाओ पं० तं॰ एगांणुप्पेहां, अणिचाणुप्पेहा, असरणाणुप्पेहा, संसाराणुप्पेहा । सुक्केझाणे चउब्विहे चउप्पडोयारे प० तं० पुहुत्तवियकेसवियारी, एगत्तवियक्ने अवियारी, सुहुमकिरिए अणियट्टी, समुच्छिन्नकिरिए अपडिवाई । सुक्कस्स णं झाणस्स चत्तारि लक्खणा प० तं० अव्वहे असम्मोहे विवेगे विउस्सग्गे, सुक्कस्स णं झाणस्स चत्तारि आलंबणा प० तं० खंती मुत्ती मद्दवे अजवे, सुक्कस्स णं झाणस्स चत्तारि अणुप्पेहाओ प० तं० अणतवत्तियाणुप्पेहा, विपरिणामाणुप्पेहा, असुभाणुप्पेहा, अवायाणुप्पेहा ॥ ३०८ ॥ चउव्विहा देवाण ठिई प० तं देवेगामेगे, देवसिणाए णामेगे, देवपुरोहिए णामेगे, देवपज्जलणे णामेगे ॥ ३०९ ॥ चउन्विहे संवासे प० तं॰ देवेणामेगे देवीए सद्धि संवासं गच्छेजा, देवेणामेगे छवीए सद्धिं संवासं
