________________
२ सु० अ० ४]
सुत्तागमे
यावे कम्मे कजइ, तं सम्म कस्स णं तं हेउं? आयरिय आह, तत्थ खलु भगवया छज्जीवणिकायहेऊ पण्णत्ता, तंजहा पुढविकाइया जाव तसकाइया इच्चेएहिं छहिं जीवणिकाएहिं आया अप्पडिहयेपच्चक्खायपावकम्मे,निच्चं पसढविउवातचित्तदंडे, तंजहापाणाइवाए जाव परिग्गहे, कोहे जाव मिच्छादसणसल्ले ॥ ७०६ ॥ आयरिय आह तत्य खलु भगवया वहए दिट्ठन्ते पण्णत्ते । से जहानामए-वहए सिया गाहावइस्स वा गाहावइपुत्तस्स वा रण्णो वा रायपुरिसस्स वा खगं निहाय पविसिस्सामि खणं लणं वहिस्सामि संपहारेमाणे से किं नु हु नाम से वहए तस्स गाहावइस्स वा गाहावइपुत्तस्स वा रण्णो वा रायपुरिसस्स वा खणं निद्दाय पविसिस्सामि खणं लद्भू णं वहिस्सामि पहारेमाणे दिया वा राओ वा सुत्ते वा जागरमाणे वा अमित्तभूए मिच्छासंठिए निचं पसढविउवायचित्तदण्डे भवइ ? एवं वियागरेमाणे समियाए वियागरे चोयए-हंता भवइ । आयरिय आह-जहा से वहए तस्स गाहावइस्स वा तस्स गाहावइपुत्तस्स वा रण्णो वा रायपुरिसस्स वा खणं निद्दाय पविसिस्सामि खणं लभ्रूणं वहिस्सामि त्ति पहारेमाणे दिया वा राओ वा सुत्ते वा जागरमाणे वा अमितभूए मिच्छासंठिए निचं पसढ विउवायचित्तदण्डे, एवमेव बाले वि सव्वेसिं पाणाणं जाव सव्वेसि सत्ताणं दिया वा राओ वा सुत्ते वा जागरमाणे वा अमित्तभूए मिच्छासंठिए निच्चं पसढविउवायचित्तदण्डे । तं जहा-पाणाइवाए जाव मिच्छादसणसल्ले । एवं खलु भगवया अक्खाए असंजए अविरए अप्पडिहयपच्चक्खायपावकम्मे सकि'रिए असंवुडे एगन्तदण्डे एगन्तवाले एगन्तसुत्ते यावि भवइ । से वाले अवियारमणवयणकायवक्ने सुविणमवि न पेस्सइ पावे य से कम्मे कजइ । जहा से वहए तस्स वा गाहावइस्स जाव तस्स वा रायपुरिसस्स पत्तयं पत्तेयं चित्तसमादाएं दिया वा राओ वा सुत्ते वा जागरमाणे वा अमित्तभूए मिच्छासंठिए निच्चं पसढविउवायचित्तदण्डे भवइ, एवमेव वाले सव्वेसिं पाणागं जाव सव्वेसिं सत्ताणं पत्तेयं पत्तेयं चित्तसमादाए दिया वा राओ वा सुत्ते वा जागरमाणे वा अमित्तभूए मिच्छासंठिए निचं पसँढविउवायचित्तदण्डे भवइ ॥२॥७०७॥ नो इणढे समढे [चोयए] । इह
खलु वहवे पाणा जे इमेग सरीरसमुस्सएणं नो दिट्ठा वा सुया वा नाभिमया वा विनाया वा जेसिं नो पत्तेयं पत्तेय चित्तसमायाए दिया वा राओ वा सुत्ते वा जागरमाणे वा अमित्तभूए मिच्छासंठिए निच्चं पसढविउवायचित्तदण्डे । तं जहां पाणाईवाए जाव मिच्छादसणसल्ले ॥३॥७०८॥आयरिय आह-तत्थ खलु भगवया दुवे दिट्ठन्ता पण्णत्ता । तं जहा-सन्निदिढन्ते य असन्निदिठ्ठन्ते य । से किं तं सन्निदिट्ठन्ते ? जे इमे सन्निपंञ्चिन्दियो पजत्तगा एएसिं णं छजीवनिकाए पडुच्च, तं जहा-पुढवी
