________________
सुत्तागमे
२ सु० अ० २]
१४७ सावजं आहिजइ । चउत्थे दण्डसमादाणे अकम्हादण्डवत्तिए आहिए ॥५॥६५५॥ अहावरे पञ्चमे दण्डसमादाणे दिद्विविपरियासियादण्डवत्तिए त्ति आहिजइ । से जहानामए-केइ पुरिसे माईहिं वा पिईहिं वा भाईहिं वा भगिणीहिँ वा भज्जाहिं वा पुत्तेहिं वा धूयाहि वा सुण्हाहिँ वा सद्धिं संवसमाणे मित्तं अमित्तमेव मन्नमाणे मित्ते हयपुव्वे भवइ दिद्विविपरियासियादण्डे । से जहानामए-केइ पुरिसे गामघायंसि वा नगरघायंसि वा खेडघायंसि कब्बडघायंसि मडंवघायंसि वा दोणमुहघायंसि वा पट्टणघायंसि वा आसमघायंसि वा संनिवेसघायंसि वा निग्गमघायंसि वा रायहाणिघायंसि वा अतेणं तेणमिति मन्नमाणे अतेणे हयपुग्वे भवइ दिद्विविपरियासियादण्डे । एवं खलु तस्स तप्पत्तियं सावजं ति आहिजइ । पञ्चमे दण्डसमादाणे दिद्विविपरियासियादण्डवत्तिए त्ति आहिए॥६॥६५६ ।। अहावरे छठे किरियट्ठाणे मोसावत्तिए त्ति आहिजइ । से जहानामए-केइ पुरिसे आयहे वा नाइहेउं वा अगारहेडं वा परिवारहेडं वा सयमेव मुसं वयइ अण्णेण वि मुसं वाएइ मुसं वयन्तं पि अन्नं समणुजाणइ, एवं खलु तस्स तप्पत्तियं सावजं ति आहिजइ । छठे किरियट्ठाणे मोसावत्तिए त्ति आहिए ॥७॥६५॥ अहावरे सत्तमे किरियट्ठाणे अदिन्नादाणवत्तिए त्ति आहिज्जइ। से जहानामए-केइ पुरिसे आयहेडं वा जाव परिवारहेडं वा सयमेव अदिन्नं आदियइ अनेणं वि अदिन्नं आदियावेइ अदिन्नं आदियन्तं अन्नं समणुजाणइ, एवं खलु तस्स तप्पत्तियं सावज ति आहिजइ । सत्तमे किरियट्ठाणे अदिन्नादाणवत्तिए त्ति आहिए ॥८॥६५८॥ अहावरे अट्ठमे किरियट्ठाणे अज्झत्यवत्तिए त्ति आहिजइ। से जहानामएकेइ पुरिसे नत्थि णं केइ किंचि विसंवादेइ सयमेव हीणे दीणे दुट्टे दुम्मणे ओयमणसंकप्पे चिन्तासोगसागरसंपविढे करयलपल्हत्थमुहे अज्झाणोवगए भूमिगयदिहिए झियाइ, तस्स णं अज्झत्थया आसंसइया चत्तारि ठाणा एवमाहिजन्ति । तं जहाकोहे माणे माया लोहे । अज्झत्थमेव कोहमाणमायालोहे । एवं खलु तस्स तप्पत्तियं सावज ति आहिज्जइ । अट्ठमे किरियहाणे अज्झत्थवत्तिए त्ति आहिए ॥९॥६५९॥ अहावरे नवमे किरियट्ठाणे माणवत्तिए त्ति आहिजइ । से जहानामए-केइ पुरिसे जाइमएण वा कुलमएण वा वलमएण वा. रूवमएण वा तवमएण वा सुयमएण वा लाभमएण वा इस्सरियमएण वा पन्नामएण वा अन्नयरेण वा मयहाणेणं मत्ते समाणे परं हीलेइ निन्देइ खिसइ गरहइ परिभवइ अवमन्नेइ, इत्तरिए अयं, अहमंसि पुण विसिट्ठजाइकुलबलाइगुणोववेए । एवं अप्पाणं समुक्कस्से, देहचुए कम्मविइए अवसे पयाइ । तं जहा-ब्भाओ गन्भं ४ जम्माओ जम्मं माराओ मारं नरगाओ नरगं चण्डे थद्धे चवले माणी यावि भवइ । एवं खलु तस्स तप्पत्तियं सावज
