________________
सुत्तागमे
२ सु० अ०२]
१४५ से भिक्खू धम्मट्ठी धम्मविऊ नियागपडिवन्ने से जहेयं वुइयं अदुवा पत्ते पउमवरपोण्डरीयं अदुवा अपत्ते पउमवरपोण्डरीयं, एवं से भिक्खू परिन्नायकम्मे परिनाय संगे परिनायगेहवासे उवसंते समिए सहिए सयाजए । सेयं वयणिज्जे तं जहासमणे त्ति वा माहणे त्ति वा खंते त्ति वा दंते त्ति वा गुत्ते त्ति वा मुत्ते त्ति वा इसि त्ति वा मुणि त्ति वा कइ त्ति वा विउ ति वा भिक्खु त्ति वा लूहे ति वा तीरहि त्ति वा चरणकरणपारविउ ति बेमि ॥ १५ ॥ ६५० ॥ पोण्डरियज्झयणं पढमं समत्तं ॥
किरियाठाणज्झयणे बिइये . सुयं मे आउसं! तेणं भगवया एवमक्खायं । इह खलु किरियाठाणे नामज्झयणे पन्नत्ते, तस्स णं अयमठे। इह खलु संजूहेणं दुवे ठाणे एवमाहिति । तं जहा । धम्मे चेव अधम्मे चेव उवसंते चेव अणुवसंते चेव । तत्थ णं जे से पढमस्स ठाणस्स अहम्मपक्खस्स विभङ्गे तस्सणं अयमढे पन्नत्ते । इह खलु पाईणं वा ६ संतेगइया मणुस्सा भवंति । तं जहा-आरिया वेगे अणारिया वेगे उच्चागोया वेगे नीयागोया वेगे कायमंता वेगे हस्समंता वेगे सुवण्णा वेगे दुव्वण्णा वेगे सुरूवा चेगे दुरूवा वेगे । तेसिं च णं इमं एयारूवं दण्डसमादाणं संपेहाए । तं जहा-नेरइएसुवा तिरिक्खजोणिएसु वा मणुस्सेसु वा देवेसु वा जे यावन्ने तहप्पगारा पाणा विनू वेयणं वेयंति ॥ तेंसिं पि य णं इमाइं तेरस किरियाठाणाई भवंतीतिमक्खायं । तं जहा-अट्ठादण्डे १, अणट्ठादण्डे २, हिंसादण्डे ३, अकम्हादण्डे ४, दिट्ठिविपरियासियादण्डे ५, मोसवत्तिए ६, अदिन्नादाणवत्तिए ७, अज्झत्थवत्तिए ८, माणवत्तिए ९, मित्तदोसंवत्तिए १०,, मायावत्तिए ११, लोभवत्तिए १२, इरियावहिए -१३ ॥१॥६५१॥ पढमे दण्डसमादाणे अट्ठादण्डवत्तिए त्ति आहिजइ । से जहानामए-केइ पुरिसे आयहेङ वा नाइहेउं वा अगारहेडं वा-परिवारहेउं वा मित्तहेउं वा नागहेडं वा भूयहेउं वा जक्खहेडं वा तं दण्डं तसथावरेहिं पाणेहि सयमेव निसिरइ अन्नेण वि निसिरावेइ अन्नं पि निसिरंतं समणुयाणइ, एवं खलु तस्स तप्पत्तियं सावज ति आहिजइ । पढमे दण्डसमादाणे अट्ठादण्डवत्तिए त्ति आहिए ॥ २ ॥ ६५२ ॥ अहावरे दोचे दण्डसमादाणे अणट्ठादण्डवत्तिए त्ति आहिजइ । से जहानामएकेइ पुरिसे जे इमे तसा पाणा भवंति ते नो अच्चाए नो अजिणाए नो मंसाए नो सोणियाए एवं हिययाए पित्ताए वसाए पिच्छाए पुच्छाए वालाए सिंगाए विसाणाए
१० सुत्ता.
