Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 150

९८
सुत्तागमे
[ आयारे
जाव विणिग्घायमावजमाणे संतिभेया संतिविभंगा संतिकेवलिपण्णत्ताओ धम्माओ भंसेज्जा ॥ १०५८ ॥ ण सक्का ण सोउं सद्दा, सोयविसयमागताः रागदोसा उ जे तत्थ ते भिक्खू परिवज्जए ॥ १०५९ ॥ सोयओ जीवो मणुण्णामणुण्णाई सद्दाई सुणेइ० ॥ १०६० ॥ अहावरा दोच्चा भावणा, चक्खूओ जीवो मणुण्णामणुण्णाई रुवाई पासइ, मणुण्णामणुण्णेहि रूवेहिं णो सज्जेज्जा, णो रज्जेजा, जाव णो विणिग्घायमावज्जेज्जा, केवली बूया, मणुण्णासणुण्णेहिं रूवेहिं सज्जमाणे रज्जमाणे जाव विणिग्धायमावज्जमाणे संतिभेया संतिविभंगा जाव भंसेज्जा ॥ १०६१ ॥ ण सक्का रूवमदठ्ठे चक्खुविसयमागयं, रागदोसा उ जे तत्थ, ते भिक्खू परिवज्जए ॥१०६२॥ चक्खूओ जीवो मणुण्णामणुण्णाई रुवाई पासइ ॥ १०६३ || अहावरा तच्चा भावणा, घाणओ जीवो मणुण्णामणुण्णाई गंधाई अग्घायइ, मणुण्णामणुण्णेहिं गंधेहिं णो सज्जेजा, णो रजेजा, जाव णो विणिग्धायमावज्जेजा, केवली वूया, मणुणामणुण्णेहिं गंधेहिं सज्जमाणे रज्जमाणे जाव विणिग्धायमावज्जमाणे संतिभेदा संतिविभंगा जाव भंसेजा ॥ १०६४ ॥ णो सका गंधमग्घाउं णासाविसयमागयं, रागदोसा उ जे तत्थ ते भिक्खू परिवजए ॥ १०६५ ॥ घाणओ जीवो मणुण्णामगुणाई गंधाई अग्घायइ० ॥ १०६६ || अहावरा चउत्था भावणा, जिन्भाओ जीवो मणुण्णामणुण्णाईं रसाईं अस्सादेइ, मणुण्णामणुण्णेहिं रसेहिं णो रज्जेजा, जाव णो विणिग्वायसावज्जेज्जा, केवली वूया, णिग्गंथे णं मणुण्णामणुण्णेहिं रसेहिं सज्ज - माणे जाव विणिग्घायसावज्जमाणे संतिभेदा जाव भंसेजा ॥ १०६७ ॥ णो सका रसमस्साउं, जीहाविसयमागय; रागदोसा उ जे तत्थ, ते भिक्खू परिवज्जए ॥ १०६८ ॥ जीहाओ जीवो मणुण्णामणुण्णाई रसाई अस्सादेइ० ॥ १०६९॥ अहावरा पंचमा भावणा, फासओ जीवो मणुण्णामणुण्णाई फासाईं पडिसंवेदेइ, मणुण्णामणुण्णेहिं फासेहिं णो सज्जेज्जा, णो रज्जेजा, णो गिज्झेजा, णो मुज्झेजा, णो अज्झोववजेजा, णो विणिग्धायमावज्जेजा, केवली वूया, णिग्गंथे णं मणुण्णामणुण्णेहिं फासेहिं सज्जमाणे जाव विणिग्धायमावजमाणे, संतिभेदा संतिविभंगा, संतिकेवलिपण्णत्ताओ धम्माओ भंसेज्जा ॥ १०७० ॥ णो सक्का फासमवेदेउं फासविसयमागयं; रागदोसा उ जे तत्थ, ते भिक्खू परिवज्जएं ॥ १०७१ ॥ फासओ मणुण्गामणुण्णाई फासाई पडिसंवेदेइ० ॥ १०७२ ॥ एतावताव पंचमे मद्दव्वए सम्मं क्राएण फासिएपालिएतीरिएकिट्टिए अहिठिए आणाए आराहिए यावि भवइ, पंचमं भंते! महव्वयं ॥ १०७३ ॥ इच्चेएहिं पंचमहव्वएहिं पणवीसाहि य भावणाहिं संपण्णे अणगारे अहासुयं अहाकप्पं अहामग्गं सम्मं काएण फासिता,
1