________________
२ सु० म० १५]
सुत्तागमे
९७
व्वयं ॥ १०४८ ॥ अहावरं चउत्थं महब्वयं पच्चक्खामि सव्वं मेहुणं, से दिव्वं वा, माणुसं वा, तिरिक्खजोणियं वा, णेव सयं मेहुणं गच्छेजा तं चेव अदिण्णादाणवत्तव्वया भाणियव्वा, जाव वोसिरामि ॥ १०४९ ॥ तस्सिमाओ पंच भावणाओ भवंति ॥ १०५० ॥ तत्थिमा पढमा भावणा, णो णिग्गंथे अभिक्खणं २ इत्थीणं कहं कहइत्तए सिया, केवली बूया, णिग्गंथेणं अभिक्खणं २ इत्थीणं कहं कहेमाणे संतिभेदा संतिविभंगा संतिकेवलीपण्यत्ताओ धम्माओ भंसेज्जा, णो णिग्गंथेणं अभिक्खणं २ इत्थीणं कहं कहित्तए सिय त्ति पढमा भावगा ॥१०५१॥ अहावरा दोच्चा भावणा, णो णिग्गंथे इत्थीणं मणोहराई २ इंदियाइं आलोएत्तए णिज्झाइत्तए सिया, केवली वूया, णिग्गथे णं इत्थीणं मणोहराई २ इंदियाई आलोएमाणे णिज्झाएमाणे संतिभेया संतिविभंगा जाव धम्माओ भंसेजा, णो णिग्गंथे इत्थीगं मणोहराई २ इंदियाई आलोएत्तए णिज्झाइत्तए सिय त्ति दोच्चा भावणा ॥ १०५२ ॥ अहावरा तच्चा भावणा, णो णिग्गंथे इत्थीगं पुव्वरयाई पुन्वकीलियाई सरित्तए सिया, केवली वूया, णिग्गंथे णं इत्थीणं पुव्वरयाई पुव्वकीलियाई सरमाणे संतिभेया जाव भंसेजा, णो णिग्गंथे इत्थीणं पुवरयाई पुव्वकीलियाई सरित्तए सिय त्ति तच्चा भावणा ॥ १०५३ ॥ अहावरा चउत्था भावणा, गाइमत्तपाणभोयणभोई से णिग्गथे णो पणीयरसभोयणभोई, केवली वूया, अइमतपाभोयणभोई से णिग्गंथे पणीयरसभोयणभोई य संतिभेदा जाव भंसेज्जा, णोऽतिमत्तपाणभोयणभोई से णिग्गंथे, णो पणीयरसभोयणभोइ त्ति चउत्था भावणा, ॥ १०५४ ॥ अहावरा पंचमा भावणा, णो णिग्गंथे इत्थीपसुपंडगसंसत्ताई सयासणाई सेवित्तए सिया, केवली वूया, णिग्गंथेणं इत्थीपसुपंडगसंसत्ताई सयणासणाई सेवेमाणे संतिमेया जाव भंसेज्जा, णो णिग्गंथे इत्थीपसुपंडगसंसत्ताई सयणासणाई सेवित्तए सियत्ति पंचमा भावणा ॥१०५५॥ एतावताव चउत्थे महत्वए सम्मं काएण फासिए जाव आराहिए या वि भवइ, चउत्थं भंते ! महन्वयं० ॥१०५६॥ अहावरं पंचम भंते ! महव्वयं सव्वं परिग्गहं पञ्चक्खामि, से अप्पं वा, वहुं वा, अणुं वा, थूलं वा, चित्तमंतं वा, अचित्तमंतं वा, णेव सयं परिग्गहं गिण्हेज्जा, गवण्णेहिं परिग्गहं गिहाविज्जा, अण्णंपि परिग्गहं गिण्हतं ण समणुजाणिज्जा, जाव चासिरामि ॥ १०५७ ।। तस्सिमाओ पंच" भावगाओ भवंति ॥ तत्थिमा पढमा भावणा, सोयओणं जीवे मणुण्णामणुण्णाइं सहाई सुणेइ, मणुण्णामणुण्णेहिं सद्देहिं णो सज्जेज्जा, णो रज्जेजा, णो गिज्झेजा, णो मुज्झेज्जा, णो अज्झोववजेजा, णो वेणिग्यायमावजेजा, केवली वूया, णिग्गंथेणं मणुण्णामणुण्णेहिं सद्देहिं सज्जमाणे
७ सुत्ता०
