Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 134

[आयारे
सुत्तागमे
अटुंसि वा पासायंसि वा अण्णयरंसि वा थंडिलंसि णो उच्चारपासवणं वोसिरेजा ॥९३०॥ से भिक्खू वा (२) से जं पुण थंडिलं जाणिजा, अगंतरहियाए पुढवीए ससिणिद्धाए पुढवीए ससरक्खाए पुढवीए मट्टियामकडाए चित्तमंताए सिलाए चित्तमंताए लेलुयाए कोलावासंसि वा दास्यसि वा जीवपइट्ठियंसि वा जाव मकडासंताणयंसि वा अण्णयरंसि वा तहप्पगारंसि थंडिलंसि णो उच्चारपासवणं वोसि रेजा ॥ ९३१॥ से भिक्खू वा (२) से जं पुण थंडिलं जाणिज्जा, इह खलु गाहावइ वा गाहावड् पुत्ता वा कंदाणि वा जाव बीयाणि वा परिसा.सु वा परिसाडिति वा परिसाडिस्संति वा अण्णयरंसि वा तहप्पगारंसि थंडिलंसि णो उच्चारपासवणं वोसि रेज्जा ॥९३२॥ से भिक्खू वा (२) से जं पुण थंडिलं जाणिजा, इह खलु गाहावइ वा गाहावइपुत्ता वा सालीणि वा वीहीणि वा मुग्गाणि वा मासाणि वा कुलत्थाणि वा जवाणि वा जवजवाणि वा पतिरिसु वा पतिरिति वा पतिरिस्संति वा अण्णयरंसि वा तहप्पगारंसि थंडिलंसि णो उच्चारपासवणं वोसिरेजा ॥ ९३३ ॥ से भिक्खू वा (२) से जं पुण थंडिलं जाणिज्जा, आमोयाणि वा घासाणि वा भिलुयाणि वा विजलयाणि वा खाणुयाणि वा कडयाणि वा पगडाणि वा दरीणि वा पदुग्गाणि वा समाणि वा विसमाणि वा अण्णयरंसि वा तहप्पगारंसि थंडिलंसि णो उच्चारपासवणं वोसिरेजा ॥ ९३४ ॥ से भिक्खू वा (२) से जं पुण थंडिलं जाणिज्जा, माणुसरंधणाणि वा, महिसकरणाणि वा, वसभकरणाणि वा, अस्सकरणाणि वा, कुक्कुडकरणाणि वा, मकडकरणाणि वा लावयकरणाणि वा, वट्टयकरणाणि वा, त्तित्तिरकरणाणि वा, कवोयकरणाणि वा, कपिजलकरणाणि वा, अण्णयरंसि वा तहप्पगारंसि थंडिलंसि णो उच्चारपासवणं वोसिरेजा ॥ ९३५ ॥ से भिक्खू वा (२) से जं पुण थंडिलं जाणिज्जा, वेहाणसठ्ठाणेसु वा, गिद्धपिठ्ठठाणेसु वा, तरुपडणठाणेसु वा, मेरुपडणठाणेसु वा, विसभक्खणयठाणेसु वा, अगणिपडणठाणेसु वा अण्णयरंसि वा तहप्पगारंसि णो उच्चारपासवणं वोसिरेजा ॥ ९३६ ॥ से भिक्खू वा (२) से जं पुण थंडिलं जाणिज्जा, आरामाणि वा, उजाणाणि वा, वणाणि वा वणसंडाणि वा, देवकुलाणि वा, सभाणि वा, पवाणि वा, अण्णयरंसि वा तहप्पगारंसि थंडिलंसि णो उच्चारपासवणं वोसिरेजा ॥ ९३७ ॥ से भिक्खू वा (२) से ज पुण थंडिलं जाणिजा, अट्टालयाणि वा, चरियाणि वा, दाराणि वा, गोपुराणि वा, अण्णयरंसि वा तहप्पगारंसि थंडिलंसि णो उच्चारपासवणं वोसिरेजा ॥ ९३८ ॥ से भिक्खू वा (२) से जं पुण थंडिलं जाणिजा, तिगाणि वा, चउकाणि वा, चच्चराणि वा, चउमुहाणि वा, अण्णयरंसि वा तहप्पगारंसि थंडिलंसि णो उच्चारपासवर्ण
mein