________________
२ सु० भ० १०]
सुत्तागमे णेयव्वं जाव उदगप्पसूयाइं ॥ ९१९ ॥ जे तत्थ दुवग्गा जाव पंचवग्गा वा अभिसंधारेंति णिसीहियं गमणाए ते णो अण्णमण्णस्स कायं आलिंगेज वा विलिंगेज वा चुंबेज वा दंतेहिं णहेहिं वा अच्छिदेज वा वुच्छिदेज वा ॥ ९२० ॥ एवं खलु तस्स भिक्खुस्स (२) वा सामग्गियं जं सव्वठेहिं सहिए समिए सया जएजा सेयमिणं मण्णिजासि त्ति बेमि ॥ ९२१ ॥ णवमं णिसीहियाज्झयणं समत्तं, मिसीहियासत्तिकयं समत्तं वीयं ॥
से भिक्खू वा (२) उच्चारपासवणकिरियाए उव्याहिजमाणे सयस्स पायपुंछणस्स असईए तओ पच्छा साहम्मियं जाएजा ॥ ९२२ ॥ से भिक्खू वा (२) से जं पुण थंडिलं जाणिज्जा सअंडं सपागं जाव मक्कडासंताणयं तहप्पगारंसि थंडिलंसिणो उच्चारपासवणं वोसिरेजा ॥ ९२३ ॥ से भिक्खू वा (२) से जं पुण थंडिलं जाणिजा, अप्पपाणं अप्पवीयं जाव मक्कडासंताणयं तहप्पगारंसि थंडिलंसि उच्चारपासवगं वोसिरेजा ॥ ९२४ ॥ से भिक्खू वा (२) से जं पुण थंडिलं जाणिज्जा, अस्सिपडियाए एगं साहम्मियं समुद्दिस्स अस्सिपडियाए वहवे साह- .. म्मिया समुद्दिस्स अस्सिपडियाए एगं साहम्मिणि समुद्दिस्स अस्सि पडियाए बहवे साहम्मिणीओ समुद्दिस्स अस्सि० वहवे समणमाहणवणीमया पगणिय पगणिय समुद्दिस्स पाणाई (४) जाव उद्देसियं चेतेति, तहप्पगारं थंडिलं पुरिसंतरकडं जाव वहिया णीहडं वा अनीहडं वा अण्णयरंसि वा तहप्पगारंसि थंडिलंसि णो उच्चारपासवणं वोसिरेजा ॥ ९२५ ॥ से भिक्खू वा (२) से जं पुण थंडिलं जाणिजा, वहवे समणमाहणकिवणवणीमगअतिही समुद्दिस्स पाणाई (४) जाव उद्देसियं चेतेति, तहप्पगारं थंडिलं अपुरिसंतरकडं जाव बहिया अणीहडं वा अण्णयरंसि वा तहप्पगारंसि थंडिलंसि णो उच्चारपासवणं वोसिरेजा ॥ ९२६ ॥ अह पुण एवं जाणिज्जा, पुरिसंतरकडं जाव वहिया णीहडं वा अण्णयरंसि तहप्पगारंसि थंडिलंसि उच्चारपासवणं वोसिरेजा ॥ ९२७ ॥ से भिक्खू वा (२) से जं पुण थंडिलं जाणिज्जा, अस्सिंपडियाए कयं वा कारियं वा पामिच्चियं वा छण्णं वा घट्ट वा मर्छ वा लित्तं वा संपधूमियं वा अण्णयरंसि तहप्पगारंसि थंडिलंसि णो उच्चारपासवणं वोसिरेजा ॥ ९२८ ॥ से भिक्खू वा (२) से जं पुण थंडिलं जाणिज्जा, इह खलु गाहावइ वा गाहावइपुत्ता वा कंदाणि वा मूलाणि वा जाव हरियाणि वा अंतराओ वा वाहिं णीहरंति वहियाओ वा अंतो साहरंति अण्णयरंसि चा तहप्पगारंसि थंडिलंसि णो उच्चारपासवणं वोसिरेजा ॥ ९२९ ॥ से भिक्खू वा (२) से जं पुण थंडिलं जाणिज्जा, खधंसि वा पीढंसि वा मंचंसि वा मालंसि वा
६ सुत्ता
