________________
७८
सुत्तागमे
[आयारे
॥ ८७५ ॥ से भिक्खू वा (२) से जं पुण उग्गहं जाणिज्जा कुलियंसि वा जाव णो उगिण्हेज वा (२)॥ ८७६ ॥ से भिक्खू वा (२) खंधसि वा अण्णयरे वा तहप्पगारे जाव णो उगिण्हेज वा (२) ॥ ८७७ ॥ से जं पुण उग्गहं जाणिज्जा ससागारियं सागणियं सउदयं सइत्थि सखुटुं सपसुं सभत्तपागं णो पण्णस्स णिक्खमणपवेसे जाव धम्माणुओगचिताए सेवं णचा तहप्पगारे उवस्सए ससागारिए जाव सखुट्ट-पसु-भत्तपाणे णो उग्गहं उगिण्हेजा वा २ ॥ ८७८ ॥ से भिक्खू वा (२) से जं पुण उग्गहं जाणिज्जा गाहावकुलस्स मज्झमज्झेणं गंतुं पंथे पडिबद्धं वा णो पण्णस्स जाव से एवं णच्चा तहप्पगारे उवस्सए णो उग्गहं उगिण्हेज वा २ ॥ ८७९ ॥ से भिक्खू वा (२) से जं पुण उग्गहं जाणिज्जा, इह खलु गाहावइ वा जाव कम्मकरीओ वा अण्णमण्णं अकोसंति वा तहेव तेल्ह-सिणाण-सीओदगवियडणिगिणाइ य जहा सिज्जाए आलावगा णवरं उग्गहवत्तवया ॥८८०॥ से भिक्खू वा (२) से जं पुण उग्गहं जाणिज्जा आइण्णसंलिक्खे णो पण्णस्स जाव चिंताए, तहप्पगारे उवस्सए णो उग्गहं उगिण्हिज वा २ ॥ ८८१॥ एयं खलु तस्स भिक्खुस्स २ सामग्गियं ॥ ८८२ ॥ उग्गहपडिमाज्झयणे पढमोदेसो॥ ___ से आगंतारेसु वा (४) अणुवीइ उग्गहं जाएजा, जे तत्थ ईसरे समहिट्ठाए ते उग्गहं अणुण्णविज्जा काम खलु आउसो अहालंदं अहा परिण्णायं वसामो जाव आउसो, आउसंतस्स उग्गहे जाव साहम्मियाए ताव उग्गहं उग्गिहिस्सामो तेण परं विहरिस्सामो ॥ ८८३ ॥ से किं पुण तत्थ उग्गहंसि एवोग्गहियंसि ? जे तत्य समणाण वा माहणाण वा दंडए वा छत्तए वा जाव चम्मछेदणए वा तं णो अंताहिंतो वाहिं णीणेजा, वहियाओ वा णो अंतो पवेसेज्जा, णो सुत्तं वा णं पडिवोहेजा, णो तेसिं किंचिवि अप्पत्तियं पडिणीयं करेजा ॥ ८८४ ॥ से भिक्खू वा (२) अभिकंखेज्जा अंबवणं उवागच्छित्तए जे तत्थ ईसरे जे तत्थ समहिहाए ते उग्गह अणुजाणावेजा, काम खलु जाव विहरिस्सामो ॥ ८८५ ॥ से किं पुण तत्थोग्गहंसि एवोग्गहियंसि अह भिक्खु इच्छेजा अंबं भोत्तए वा से जं पुण अंवं जाणिज्जा सअंडं जाव ससंताणं तहप्पगारं अंबं अफासुयं जाव णो पडिगाहिज्जा, ॥ ८८६ ॥ से भिक्खू वा (२) से जं पुण अंबं जाणिजा, अप्पंडं जाव अप्पसंताणगं आतरिच्छछिन्नं अवोच्छिन्नं अफासुयं जाव णो पडिगाहिज्जा ॥ ८८७ ॥ से भिक्खू वा (२) से जं पुण अंबं जाणिजा, अप्पंडं जाव संताणगं तिरिच्छच्छिण्णं वोच्छिन फासुयं जाव पडिगाहिज्जा ॥ ८८८ ॥ से भिक्खू वा (२) अभिकंखेजा अंबाभ त्तगं वा अंबपेसियं वा अंवचोयगं वा अंबसालगं वा अंबडालग वा
