________________
७७
२ सु० अ०७-उ० ] सुत्तागमे एयं खलु तस्स भिक्खुस्स भिक्खुणीए वा सामग्गियं जं सव्वठेहिं सहिए सया जएजासि त्ति बेमि ॥ ८६७ ॥ पत्तेसणाज्झयणे बीओदेसो समत्तो॥ छठं पत्तेसणाज्झयणं समत्तं ॥
समणे भविस्सासि अणगारे अकिंचणे अपुत्ते अपसू परदत्तभोई पावं कम्म णो करिस्सामि त्ति समुट्ठाए सव्वं भंते अदिण्णादाणं पञ्चक्खामि ॥ ८६८ ॥ से अणुपविसित्ता गामं वा जाव० णेच सयं अदिन्नं गिण्हिज्जा, णेवण्णेणं अदिण्णं गिण्हावेजा, णेवण्णेणं अदिणं गिण्हतं समणुजाणेजा। जेहिवि सद्धि संपन्वइए तेसिं पुव्वामेव उग्गहं अणुण्णविय अपडिलेहिय अपमज्जिय णो गिण्हेज वा पगिण्हेज वा तेसि पुव्वामेव उग्गहं जाइज्जा अणुण्णविय पडिलेहिय पमज्जिय तओ सं० उगिहिज वा पगिहिज्ज वा ॥ ८६९ ॥ से आगंतारेसु वा (४) अणुवीइ उग्गहं जाएजा, जे तत्थ ईसरे जे तत्थ समहिहाए ते उग्गहं अणुण्णवेजा कामं खलु आउसो अहालंदं अहापरिण्णातं वसामो जाव आउसंतस्स उग्गहे जाव साहम्मिया एइ ताव उग्गहं गिहिस्सामो तेण परं विहरिस्सामो ॥ ८७० ॥ से कि पुण तत्थोग्गहंसि एवोग्गहियसि ? जे तत्थ साहम्मिया संभोइया समणुण्णा उवागच्छेज्जा, जे तेण सयमेसित्तए असणे वा (४) तेण ते साहम्मिया संभोइया समणुण्णा उवणिमंतेज्जा, णो चेव णं परवडियाए उगिज्झिय २ उवणिमंतेजा ॥ ८७१ ॥ से आगंतारेसु वा (४) जाव से किं पुण तत्थोग्गहंसि एवोग्गहियंसि, जे तत्थ साहम्मिया अण्णसंभोइया समणुन्ना उवागच्छेजा जे तेणं सयमेसित्तए पीढे वा फलए वा सेज्जासंथारए वा, तेण ते साहम्मिए अण्णसंभोइए समणुन्ने उवणिमंतेजा णो चेव णं परवडियाए उगिज्झिय २ उवणिमंतेज्जा ॥ ८७२ ॥ से आगंतारेसु वा (४) जाव से किं पुण तत्थोग्गहंसि एवोग्गहियंसि जे तत्थ गाहावईण वा गाहावइपुत्ताण वा सूई वा पिप्पलए वा कण्णसोहणए वा णहच्छेयणए वा अप्पणो तं एगस्स अठाए पाडिहारियं जाइत्ता णो अण्णमण्णस्स देज वा अणुपदेज वा सयं करणिज त्ति कटु से तमादाए तत्थ गच्छेज्ना गच्छित्ता पुव्वामेव उत्ताणए हत्थे त्ति कट्ठ भूमीए वा ठवेत्ता 'इमं खलु इमं खलु' त्ति आलोएज्जा, णो चेव णं सयं पाणिणा परपाणिसि पच्चप्पिणेज्जा ॥ ८७३ ॥ से भिक्खू वा (२) से जं पुण उग्गहं जाणिज्जा अणंतरहियाए पुढवीए ससणिद्धाए पुढवीए जाव संताणाए तहप्पगारं उग्गहं णो उगिण्हेज्ज वा पगिण्हेज वा ॥ ८७४ ॥ से भिक्खू वा (२) से जं पुण उग्गहं जाणिज्जा थूणसि वा (४) तहप्पगारे अंतलिक्खजाए दुबद्धे जाव णो उग्गहं उगिण्हेज वा पगिण्हेज वा
