________________
७६
सुत्तागमे
[ आयारे
त्ति वा भइणित्ति वा णो खलु मे कप्पर आहाकम्मिए असणे वा पाणे वा खाइने वा साइमे वा भोत्तए वा पायए वा मा उवकरेहि मा उवक्खडेहि, अभिकखसि मे दाउँ एमेव दलयाहि से सेवं वयंतस्स परो असणं वा जाव उवकरिता उवक्खडित्ता, सपाणगं सभोयणं पडिग्गहगं दलएजा तहप्पगारं पडिग्गहं अफाख्यं जाव णो पडिगाहेजा || ८५४ ॥ सिया से परो उवणेत्ता पडिग्गहं णिसिरेजा से पुव्वामेव आलोएजा आउसो त्ति वा भइणि त्ति वा तुमं चेवणं संतियं पडिग्गहगं अंतोअंतेगं पडिलेहिस्सामि || ८५५ ॥ केवली वूया 'आयाणमेयं' अंतो पडिग्गहंसि पाणाणि वा बीयाणि वा हरियाणि वा जाव अह भिक्खूणं एस पइण्णा जं पुव्वामेव पडिग्गहगं अंतोअंतेणं पडिलेहिज्जा | ८५६ || सअडाईं सव्वे आलावगा भाणियव्वा जहा वत्थेसणाए, णाणत्तं तेल्लेण वा घएण वा सिणाणाइ जाव अण्णयरंसि वा तहप्पगारंसि थंडिलंसि पडिले हिय २ पमज्जिय २ तओ संजयामेव आमज्जिज्जा ॥ ८५७॥ एयं खलु तस्स भिक्खुस्स भिक्खुणीए वा सामग्गियं जं सव्वद्वेहिं सहिएहि सया जएजासि त्ति वेमि ॥ ८५८ ॥ पत्तेसणाज्झयणे पढमोसो समत्तो ॥
से भिक्खू वा (२) गाहावइकुलं पिंडवायपडियाए पविट्ठे समाणे, पुव्वामेव पेहाए पडिग्गहगं अवहट्टु पाणे पमजिय रयं ततो संजयामेव गाहावइकुलं पिंडवाय पडियाए णिक्खमेज वा पविसेज्ज वा ॥ ८५९ ॥ केवली वूया 'आयाणमेयं अंतो पडिग्गहगंसि पाणे वा बीए वा रए वा परियावज्जेज्जा अह भिक्खूणं पुव्वोवदिद्वा एस पइण्णा जं पुव्वामेव पेहाए पडिग्गहं अवहट्टु पाणे पमजिय रयं तओ संजयामेव गाहावइकुलं पिडवायपडियाए पविसेज्ज वा णिक्खमेज वा ॥ ८६० ॥ से भिक्खु वा (२) गाहावइ० जाव० समाणे सिया से परो आहद्रु अंतो पडिग्गहगंति सीओदगं परिभाएता णीहरु दलएजा तहप्पगारं पडिग्गहं परहत्यंसि वा परपायंसि वा अफासुयं जाव णो पडिग्गाहेजा ॥ ८६१ ॥ सेय आहच्च पडिग्गाहिए सिया से खिप्पामेव उदगंसि साहरिजा, से पडिग्गहमायाए पाणं परिट्ठवेजा, ससणिद्धाए वा भूमीए णियमिज्जा | ८६२ ॥ से भिक्खू वा (२) उदउल्लं वा ससिणिद्धं वा पडिग्गहं णो आमज्जिज्ज वा जाव पयावेज्ज वा ॥ ८६३ ॥ अह पुण एवं जाणिजाविगओदए मे पडिग्गहए छिण्णसिणेहे तहप्पगारं पडिग्गहं तओ संजयामेव आमजिज्ज वा जाव पयाविज्ज वा ॥ ८६४ ॥ से भिक्खू वा ( २ ) गाहावइकुलं वा० पविसिउकामे से पडिग्गहमायाए गाहा • पिडवायपडियाए पविसिज्ज वा णिक्खमिज्ज वा एवं बहिया वियारभूमिं वा विहारभूमि वा गामाणुगामं दूइज्जिजा ॥८६५॥ तिव्वदेतियाए जहा बिइयाए वत्थेसणाए गवरं एत्थ पडिग्गहे ॥ ८६६॥
