________________
७९
२ सु० भ०७-उ० २] सुत्तागमे भोत्तए वा पायए वा से जं पुण जाणिज्जा, अंधभित्तगं वा जाव अंबडालगं वा सअंडं जाव संताणगं अफासुयं जाव णो पडिग्गाहिज्जा ॥ ८८९ ॥ से भिक्खू वा (२) से जं पुण जाणिज्जा, अंवभित्तगं वा जाव, अप्पंडं जाव संताणगं अतिरिच्छच्छिन्नं वा अवोच्छिन्नं वा अफासुयं जाव णो पडिग्गाहिज्जा ॥ ८९० ॥ से भिक्खू वा (२) से जं पुण जाणिज्जा अंचभित्तगं वा जाव, अप्पंडं जाव संताणगं तिरिच्छछिन्नं वोच्छिन्नं फासुयं जाव पडिग्गाहिजा ॥ ८९१ ॥ से भिक्खू वा (२) अभिकंखेजा उच्छवणं उवागच्छित्तए जे तत्थ ईसरे जाव उग्गहंसि० ॥ ८९२ ॥ अह भिक्खू इच्छेज्ना उच्छं भोत्तए वा पायए वा से जं उच्छु जाणिज्जा, सअंडं जाव णो पडिग्गाहिज्जा ॥ अतिरिच्छच्छिन्नं तहेव, तिरिच्छच्छिन्ने वि तहेव ॥ ८९३ ॥ से भिक्खू वा (२) से जं पुण अभिकंखेजा अंतरुच्छुयं उच्छुगंडियं वा उच्छुचोयगं वा उच्छुसालगं वा उच्छुडालगं वा सअंडं जाव णो पडिग्गाहिजा ॥ ८९४ ॥ से भिक्खू वा (२) से जं पुण जाणिजा, अंतर च्छुयं वा जाव डालगं वा सअंडं जाव णो पडिग्गाहिजा ॥ ८९५ ॥ से भिक्खू वा (२) से जं पुण जाणिज्जा अंतरुच्छुयं वा जाव डालगं वा अप्पंडं जाव णो पडिग्गाहिजा, अतिरिच्छच्छिन्नं तहेव ॥ ८९६ ॥ तिरिच्छच्छिन्नं तहेव पडिग्गाहिज्जा ॥ ८९७ ॥ से भिक्खू वा (२) आगंतारेसु वा (४) जाव उग्गहियंसि जे तत्य, गाहावईण वा गाहावइपुत्ताण वा इच्चेयाइं आयतणाई उवाइकम्म ॥ ८९८ ॥ अह भिक्खू जाणिज्जा इमाहिं सत्तहिं पडिमाहिं उग्गहं उगिहित्तए ॥ ८९९ ॥ पढमा पडिमा, से आगंतारेसु वा (४) अणुवीइ उग्गहं जाएजा जाव० विहरिस्सामो॥ ९००॥ दोच्चा पडिमा, जस्सणं भिक्खुस्स एवं भवइ "अहं च खलु अण्णेसिं भिक्खूणं अट्ठाए उग्गहं गिहिस्सामि, अण्णेसिं भिक्खूणं उग्गहिए उग्गहे उवहिस्सामि, ॥ ९०१॥ तच्चा पडिमा, जस्सणं भिक्खुस्स एवं भवइ "अहं च खलु अण्णेसि भिक्खूणं अठाए उग्गहं उगिहिस्सामि, अण्णेसि च उग्गहिए उग्गहे णो उवहिस्सामि ॥ ९०२ ॥ चउत्था पडिमा, जस्सणं भिक्खुस्स एवं भवइ "अहं च खलु अण्णेसिं भिक्खूणं अठाए उग्गहं णो उगिहिस्सामि अण्णेसिं च उग्गहे उपगहिए उवल्लिस्सामि ॥ ९०३ ॥ पंचमा पडिमा, जस्सणं भिक्खुस्स एवं भवइ, अहं च खलु अप्पणो अठाए उग्गहं उगिहिस्सामि, णो दोण्हं, णो तिण्डं, णो चउण्हं, णो पंचण्हं, ॥ ९०४ ॥ छठ्ठा पडिमा, जस्सेव उग्गहे उवल्लिएज्जा, जे तत्थ अहा समण्णागए, तंजहा-इक्कडे जाव पलाले वा तस्स लाभे संवसेज्जा, तस्स अलाभे उक्कडए वा णेसज्जिए वा विहरेज्जा ॥ ९०५ ॥ सत्तमा
