________________
सुत्तागमे
[ अंतगडदसाओ
सणं समणोवासयं तेयसा समभिपडिनए ताहे सुदंसणस्स समणोवासयस्स पुरओ सपक्खि सपडिदिसि ठिचा सुदंसणं समणोवासयं अणिमिसाए दिट्ठीए सुचिरं निरिक्खइ २ त्ता अज्जुणयस्स मालागारस्स सरीरं विप्पज (हा ) हइ २ ता तं पलसहस्सणिप्फण्णं अयोमयं मोग्गरं गहाय जामेव दिसं पाउन्भूए तामेव दिसं पडिगए, तए णं से अज्जुणए मालागारे मोग्गरपाणिणा जक्खेणं विप्प ( ज ० ) - मुक्के समाणे वसत्ति धरणियलंसि सव्वंगेहिं (सं) निवडिए, तए णं से सुदंसणे समणोवासए निरुवसग्गमितिकट्टु पडिमं पारेड, तए णं से अजुणए मालागारे त (ओ) तो मुहुत्तरेणं आसत्थे समाणे उट्ठेइ २ त्ता सुदंसणं समणोवासयं एवं वयासी - तुभे णं देवाणुप्पिया ! के कहिं वा संपत्थिया ?, तए णं से सुदंसणे समणोवासए अज्जुणयं मालागारं एवं वयासी - एवं खलु देवाणुप्पिया ! अहं सुदंसणे नामं समणोवासए अभिगयजीवाजीवे गुणसिलए उज्जाणे समणं भगवं महावीरं वंदए संपत्थिए, तए णं से अजुणए मालागारे सुदंसणं समणोवासयं एवं वयासी- तं इच्छामि णं देवाणुप्पिया ! अहमवि तुमए सद्धिं समणं भगवं महावीरं वं (दे) दित्तए जाव पज्जुवा (से) सित्तए, अहासहं देवाणुप्पिया ! मा पडिवंधं करेह, तए णं से सुदंसणे समणोवासए अजुणएणं मालागारेणं सद्धिं जेणेव गुणसिलए उज्जाणे जेणेव समणे भगवं महावीरे तेणेव उवागच्छइ २ त्ता अज्जुणएणं मालागारेणं सद्धि समणं भगवं महावीरं तिक्खुत्तो जाव पज्जुवासइ, तए णं [से] समणे भगवं महावीरे सुदंसणस्स समणोवासगस्स अजुणयस्स मालागारस्स तीसे य० धम्मकहा०, सुदंसणे पडिगए । तए णं से अजुणए [मालागारे] समणस्स भगवओ महावीरस्स अंति (ए) यं धम्मं सोचा [निसम्म ] हट्ट सद्दहामि णं भंते । निग्गंथं पावयणं जाव अब्भुट्ठेमि, अहानुहं०, तए णं से अजुणए मालागारे उत्तर० सयमेव पंचमुट्ठियं लोयं करेइ [करित्ता] जाव अणगारे जाए जाव विहरइ, तए णं से अजुणए अणगारे जं चेव दिवसं मुंडे जाव पव्वइए तं चेव दिवस समणं भगवं महावीरं वंदइ नमसइ वं० २ त्ता इमं एयारुवं अभिग्गहं उ (ग्गे -ओगे) ग्गिण्हड़ - कप्पइ मे जावजीवाए छछट्टेणं अणिक्खित्तेणं तवोकम्मेणं अप्पाणं भावेमाणस्स विहरित्तएत्तिकट्टु अयमेयारूवं अभिग्गहं ओगेण्हइ २ ता जावज्जीवाए जाव विहरइ, तए णं से अज्जुणए अणगारे छट्ठक्खमणपारणयंसि पढ (म ) माए पोरिसीए सज्नायं करेड जहा गोयमसामी जाव अड (विहर) इ, तए णं तं अज्जुणयं अणगारं रायगिहे नयरे उच्च[०] जाव अडमाणं वहवे इ (स्थिया ) त्थीओ य पुरिसा य
११८०
