________________
शान्तिनाथचरित्रम् ॥ ११९॥
पंचमः प्रस्ताव
तस्य चाऽभूच्छुभाकाराऽपरा कान्ता नृपात्मजा । तस्यां प्रेमप्रकर्पोऽस्याऽनिष्टा सा भगिनी तव ॥ ६६०॥ सा विद्वेपं गता तस्यां कृत्वा बालतपो मृता। समुत्पन्नास्ति हे राजन् ! व्यन्तरी देवता वरा ॥ ६६१ ॥ तस्याः सपत्नी सा कृत्वा धर्मदानादिकं वरम् । मृत्वा च श्रेष्ठिनः पुत्री सञ्जाता दत्तसंज्ञिनः॥ ६६२ ॥ पूर्वमत्सरिणी देवी सा तस्या यामिकं नरम् । हन्त्यद्याऽपि ततस्तत्र वर्तते पुरुपक्षयः ॥६६३ ।। देवतायास्तदेतस्या राजन् ! पुत्र्यौ समर्पय । तत्पार्श्वे स्थितयोर्भर्ता समेष्यत्यनयोः स्वयम् ॥ ६६४ ॥ क्रियमाणं देवतया तं निवार्य नरक्षयम् । परिणेष्यति तां वत्सराजः श्रेष्ठिसुतामपि इति सर्व समाख्याय ययौ सोऽन्यत्र संयतः । खेचरेन्द्रेण पुत्र्यो मे तेनेहैत्य समर्पिते ॥६६६ ।। सोऽथ किञ्चित्तपः कृत्वा मृत्वाऽभूद् व्यन्तराधिपः । तेनाऽश्वरूपभृयक्षः किंकरो मे समर्पितः॥ ६६७ ॥ सर्वकामितपर्यङ्कश्चौषधिद्वितयं तथा। तत्सर्वमपि ते भद्र ! प्रदत्तं तुष्टया मया ॥६६८ ॥ परिणीते ततश्चैते वत्सराजेन कन्यके । बुभुजे च समं ताभ्यां तत्र भोगानसौ स्थितः ॥६६९ ॥ अन्यदा (ते) रत्नचूलास्वर्णचूले निजे प्रिये । ज्ञापिते वत्सराजेन प्रतिज्ञाकारणं निजम् ॥६७० ॥ ताम्यां च ज्ञापिता देवी सा च विज्ञाय कारणम् । व्यसृजत् प्रेयसीयुक्तं तद्वियोगासहाऽपि तम् ॥ ६७१ ॥ ततः पर्यङ्कमारुह्य वत्सराजः सवल्लभः । आययौ नभसा शीघ्रं श्रीदत्तावासमन्दिरम् ॥६७२॥ सुप्तोत्थिता प्रभातेऽथ श्रेष्ठिपुत्री ददर्श तम् । पर्यत तं तुरङ्गं च किमेतदिति विस्मिता ॥६७३ ॥
SXEXXEXXEXXXX
