________________
१३४
- नित्योत्सव :
घनस्तनभरालसां गळितचूळिकां श्यामलां करस्फुरितवल्लकीविमलशङ्खताटङ्किनीम् ॥ माणिक्यवीणामुपलालयन्तीं मदालसां मञ्जुळवाग्विलासाम् । माहेन्द्रनीलद्युतिकोमलाङ्गीं मातङ्गकन्यां मनसा स्मरामि ॥ इति वा ॥ २६ ॥
वागीश्वरीमन्त्रस्य कण्व ऋषिः । विराट् छन्दः । वागीश्वरी देवता । तत्प्रसादसिद्ध्यर्थे जपे विनियोगः । ध्यानम् —
अमलकमलसंस्था लेखिनीपुस्तकोद्यत्करयुगळसरोजा कुन्दमन्दारगौरा |
'वृतशशधरखण्डोल्लासिकोटीरचीटा
भवतु भवभयानां भङ्गिनी भारती नः ॥ २७ ॥
नकुलीबागीश्वरीमन्त्रस्य कहोळक ऋषिः । गायत्री छन्दः । नकुलीवागीश्वरी देवता । तत्प्रसादसिद्ध्यर्थे जपे विनियोगः । ध्यानम् -
नकुली वज्रदन्ताळी साध्यजिह्वाऽहिदंशिनी । भक्तवक्तृत्वजननी भावनीया सरस्वती ॥ २८ ॥
श्यामागुरुपादुकामन्त्रस्य मतङ्ग ऋषिः । पङ्क्तिश्छन्दः । श्यामागुरुपादुका देवता । तत्प्रसादसिद्ध्यर्थे जपे विनियोगः । ध्यानम्
वन्दे गुर्वङ्घ्रिमकुटां श्यामलां शुकपाणिनीम् । समस्तसिद्धिजननीं श्यामलागुरुपादुकाम् ॥ २९ ॥
श्रीराजश्यामलामन्त्रस्य स्पष्टम् ॥ ३० ॥
लघुवाराहीमन्त्रस्य नारद ऋषिः । पङ्क्तिश्छन्दः । लघुवाराही देवता ।
तत्प्रसादसिद्ध्यर्थे जपे विनियोगः । ध्यानम् —
महार्णवे निपतितामुद्धरन्तीं वसुंधराम् ।
महादंष्ट्रां महाकायां नमाम्युन्मत्त भैरवीम् ॥ ३१ ॥
