________________
२९६
परशुरामकल्पसूत्रम्
सप्तजिह्वाहोम:
सप्तजिह्वाऽऽहुतीराह-
हिरण्यायै कनकायै रक्ताये कृष्णायै सुप्रभायै अतिरक्तायै बहुरूपायै नमः इत्यग्नेः सप्तजिह्वासु मूलशुद्धेनाज्येन सप्ताहुतीः कुर्यात् ॥ १८ ॥
नमः इति सर्वत्रानुषज्यते । मूलशुद्धेन मूलाभिमन्त्रणेन संस्कृतेन । अभिमन्त्रणं सङ्ख्याऽनुक्तेः सकृन्मूलेन । नमः पदोत्तरं स्वाहायोगः, होमरूपत्वात्, स्वाहा होमे तर्पणे तु तर्पयामीति योजयेत् " इति योगिनीतन्त्रवचनात् ॥ १८ ॥
66
अग्राहुतित्रयम
कर्मशेषमुपदिशति सूत्रान्तरेण--- वैश्वानरोत्तिष्ठचित्पिङ्गळैरग्ने स्त्रिधाऽऽहुतिं विधाय ॥ १९ ॥
वैश्वानरोत्तिष्ठ चिपिङ्ग ळै रिति पूर्वपठितैः त्रिभिर्मन्त्रैः इत्यर्थः । त्रिधा त्रिवारम् । अनेन कर्माभ्यास नाहुतिभेदः इति सूचितः । वैश्वानरादिमन्त्रत्रये स्वाहाकारोऽस्ति । तथाऽप्यन्यस्वाहाकारो होमकाले योज्यः । तदुक्तं शक्तिसङ्गमतन्त्रेमन्त्रान्ते या वह्निजाया सा तु मन्त्रस्वरूपिणी ।
तदन्तेऽन्यां प्रयुञ्जीत सा होमाङ्गतया मता ॥ इति ॥
अत्र मन्त्रलिङ्गेनैव देवतालाभे पुनरग्नेरिति कथनात् त्रिष्वपि होमेषु “ अग्नय इदं न मम " इति त्यागं गमयति । अन्यथा “ वैश्वानरायेदं न मम " इति लिङ्गेन प्राप्नुयात् ॥ १९ ॥
इष्टदेवताssवाहनादि
अथेष्टदेवताऽऽवाहनमाह
बहुरूपजिह्वायामिष्टां देवतामावाह्य पञ्चोपचारै
रुपंचर्य ॥ २० ॥
