________________
९१२
कसाय पाहुड सुत्त (२१) एदेसि हाणाणं चदुसु कसाएसु सोलसण्हं पि ।
कं केण होइ अहियं द्विदि-अणुभागे पदेसग्गे ।।७४।। ( २२) माणे लदासमाणे उक्कस्सा वग्गणा जहण्णादो ।
हीणा च पदेसग्गे गुणेण णियमा अणतेण ॥७५॥ ( २३) णियमा लदासमादो दारुसमाणो अणंतशुणहीणो ।
सेसा कमेण हीणा गुणेण णियमा अणंतेण ॥७६॥ ( २४ ) णियमा लदासमादो अणुभागग्गेण वग्गणग्गेण । ।
सेसा कमेण अहिया गुणेण णियमा अणंतेण ॥७७॥ ( २५) संधीदो संधी पुण अहिया णियमा च होई अणुभागे ।
हीणा च पदेसम्म दो वि य णियमा विसेसेण ॥७८॥ (२६) सव्वावरणीयं पुण उक्करस होइ दारुअसमाणे ।
हेट्ठा देसावरणं सव्वावरणं च उवरिल्लं ॥७९॥ (२७) एसो कमो च माणे मायाए णियमसा दु लोभे वि ।
सव्वं च कोहकम्मं चदुसु हाणेसु बोद्धव्वं ।।८०॥ (२८) एदेसि हाणाणं कदमं ठाणं गदीए कदमिस्से ।
बद्धं च वज्झमाणं उपसंतं वा उदिण्णं वा ।।८।। (२९) सण्णीसु असण्णीसु य पज्जत्ते वा तहा अपज्जत्ते ।
सम्मत्ते मिच्छत्ते य मिस्सगे चेय बोद्धव्या ।।८२।। (३०) विरदीय अविरदीए विरदाविरदे तहा अणागारे ।
सागारे जोगम्हि य लेस्साए चेव बोद्धव्या ॥८३॥ (३१) कं ठाणं वेदंतो कस्स व हाणस्स बंधगो होइ ।
कं ठाणं वेदंतो अवंधगो कस्स हाणस्प्त ॥८४॥ (३२) असण्णी खलु बंधइ लदासमाणं च दारुयसमगं च ।
सण्णी चदुसु विभज्जो एवं सव्वत्थ कायव्वं (१६) ।।८५||
९ वंजण-अत्थाहियारो
(३३) कोहो य कोव रोसो य अक्खम संजलण-कलह वड्डी य ।
झंझा दोस विवादो दस कोहेयट्ठिया हॉति ॥८६॥ (३४) माण मद दप्प थंभो उक्कास पगास तधसमुक्कस्सो ।
अत्तुक्करिसो परिभव उस्सिद दसलक्खणो माणो ॥८७॥ (३५) माया य सादिजोगे णियदी विय वंचणा अणुज्जुगदा ।
गहणं मणुण्णमग्गण कक्क कुहक गृहणच्छण्णो ।।८८।
