________________
सत्तमझयणं
अईयम्मि य कालम्मी . पच्चुप्पन्नमणागए। निस्संकियं भवे जं तु एवमेयं ति निदिसे ॥ १० ॥ तहेव फरसा भासा गुरुभूओवघाइणी। सच्चा वि सा न वत्तव्वा जओ पावस्स आगमो ।। ११ ॥ तहेव काणं काणे त्ति पंडगं पंडगे त्ति वा । वाहियं वा वि रोगि त्ति तेणं चोरे त्ति नो वए ॥ १२ ॥ एएणन्नेण व?ण परो जेणुवहम्मई। आयारभावदोसन्न न तं भासेज्ज पन्नवं ।। १३ ॥ तहेव होले गोले त्ति साणे वा वसुले ति य । दमए दुहए वा वि नेवं भासेज्ज पन्नवं ।। १४ ।। अज्जिए पज्जिए वावि अम्मो माउस्सिय त्ति य। पिउस्सिए भाइणेज्ज त्ति धूए नत्तुणिए त्ति य ।। १५ ॥ हले हले त्ति अन्ने त्ति भट्टे सामिणि गोमिणि । होले होले वसुले त्ति इस्थियं नेवमालवे ॥ १६ ॥ नामधिज्जेण णं बूया इत्थीगोत्तेण वा पुणो। जहारिहमभिगिज्ज्ञ आलवेज्ज लवेज्ज वा ॥ १७ ॥ अज्जए पज्जए वा वि वप्पो चुल्ल पिउ त्ति य । माउला भाइणेज्ज त्ति पुत्ते नत्तुणिय त्तिय ॥ १८ ॥ हे हो हले त्ति अन्ने ति भट्टा सामिय गोमिए ।। होल गोल वसुले त्ति पुरिसं नेवमालवे ॥ १६ ॥ नामधेज्जेण णं बूया पुरिसगोत्तेण वा पुणो । जहारिहमभिगिज्झ आलवेज्ज लवेज्ज वा ॥ २० ॥
