________________
४०
. दसवेआलियं पंचिंदियाण पाणाणं एस. इत्थी अयं पुमं । जाव णं न विजाणेज्जा ताव जाइ त्ति आलवे ।। २१ ॥ तहेव मणुस्सं पसु पक्खि वा वि सरीसिवं। थूले पमेइले वझे पाइमे त्ति य नो वए ॥ २२ ॥ परिवुड्ढे त्ति णं बूया बूया उवचिए त्ति य। .संजाए पीणिए वा वि महाकाए त्ति आलवे ।। २३ ॥ तहेव गाओ दुज्झाओ दम्मा गोरहग त्ति य । वाहिमा रहजोग त्ति नेवं भासेज्ज पन्नवं ॥ २४ ॥ जुवं गवे त्ति णं बूया घेणु रसदय त्ति य। .. रहस्से महल्लए वा वि वए संवहणे त्ति य ।। २५ ॥ तहेव गंतुमुज्जाणं पव्वयाणि वणाणि य। रुक्खा महल्ल पेहाए नेवं भासेज्ज पन्नवं ॥ २६ ॥ अलं पासायखंभाणं तोरणाणं गिहाण य । फलिहग्गल नावाणं अलं उदगदोणिणं ।। २७ ॥ पीढए चंगबेरे य नंगले मइयं सिया। जंतलट्ठी व नाभी वा गंडिया व अलं सिया ॥ २८॥ आसणं सयणं जाणं होज्जा वा किंचुवस्सए । भूओवघाइणि भासं नेवं भासेज्ज पन्नवं ॥ २६ ॥ तहेव गंतुमुज्जाणं पव्वयाणि वणाणि य। रुवखा महल्ल पेहाए एवं भासेज्ज पन्नवं ।। ३० ।। जोइमंता इमे रुक्खा दीहवट्टा महालया। पयायसाला विडिमा वए दरिसणि त्ति य ॥ ३१॥
