________________
एगूणतीसइमं अज्झणं
सू० ५४ – मणगुत्तयाए णं भन्ते ! जीवे किं जणयइ ? : मणगुत्तयाए णं जीवें एगग्गं जणयइ । एगग्गचित्ते णं जीवे मणगुत्ते संजमाराहएं भवइ ।
सू० ५५ – वयगुत्तयाए णं भन्ते ! जोवे किं जणयइ ?
वयगुत्तयाए णं निव्वियारं जणयइ । निव्वियारेणं जीवे वइगुत्तें अज्झप्पजोग ज्झाणगुत्ते यावि भवई । सू० ५६ – कायगुत्तयाए णं भन्ते ! जीवे किं जणयइ ?
२१७
कायगुत्तयाए णं संवरं जणयइ । संवरेणं कायगुत्ते पुणो पावासवनिरोहं करेइ ।
सू० ५७ - मणसमाहारणयाए णं भन्ते ! जीवे किं जणयइ ?
मणसमाहारणयाए णं एगग्गं जणयइ । एगग्गं जणइत्ता नाणपज्जवें जणयइ | नाणपज्जवें जणइत्ता सम्मत्तं विसोहेइ मिच्छत्तं च निज्जरेइ ।
सू० ५८ - वयसमाहारणया णं भन्ते ! जीवं किं जणयइ ?
वयसमाहारणयाए णं वयसाहारणदंसणपज्जवे विसोहेइ । वयसाहारणदंसणपज्जवे विसोहेत्ता सुलहवोहियत्तं निव्वत्तेइ दुल्लहवोहियत्तं निज्जरेइ ।
:
सू० ५८ - कायासमाहारणयाएं णं भन्ते ! जीवे किं जणयइ ? कायसमाहारणयाए णं चरित्तपज्जवे विसाहेइ । चरित्तपज्जवे विसोहेत्ता अहक्खायचरितं विसोहेइ । अहक्खायचरितं विसोहेत्ता चत्तारि केवलिकम्मंसे खवेइ । तओ पच्छा सिज्झइ बुज्झड़ मुच्चइ परिनिव्वाएइ सव्वदुक्खाणमन्तं करेइ । सू० ६० - नाणसंपन्नयाए णं भन्ते ! जीवे किं जणयइ ?
नाणसंपन्नायाएं णं जीवे सव्वभावाहिगमं जणयइ । नाणसंपन्ने णं जीवे चाउरन्ते संसारकन्तारे न विणुस्सइ ।
