________________
२१८
उत्तरज्झयणं
जहा सूई ससुत्ता, पडिया वि विणस्सइ । तहा जीवे ससुत्ते, संसारे न विणस्सइ ।।
नाणविणयतवचरित्तजोगे संपाउणइ ससमयपरसमय संघायणिज्जे भवइ । सु० ६१-दंससंपन्नयाए णं भन्ते ! जोवे कि जणयइ ?
दसणसंपन्नयाए णं भवमिच्छत्तयणं करेइ परं न विज्झायइ । अणुत्तरेणं नाणदंसणेणं अप्पाणं सजोएमाणे सम्म भावेमाणे विहरइ । सू०६२-चरित्तसंपन्नयाए णं भन्ते ! जीवे कि जणयइ ?
चरित्तसंपन्नयाए णं सेलेसीभाव जणयइ। सेलेसि पडिवन्ने य अणगारे चत्तारि केवलिकम्मंसे खवेइ । तओ पच्छा सिज्झइ बुज्झइ परिनिव्वाएइ सव्वदुक्खाणमन्तं करेइ। सू० ६३-~-सोइन्दियनिग्गहेणं भन्ते ! जीवे कि जणयइ ?
सोइन्दियनिग्गहेणं मणुन्नामणुन्नेसु सद्देसु रागदोसनिग्गहं जणयइ तप्पच्चइयं कम्मं न वन्धइ पुव्ववद्धं च निज्जरेइ। सू० ६४..-चक्खिन्दियनिग्गहेणं भन्ते ! जीवे कि जणयइ ?
चक्खिन्दियनिग्गहेणं मणुनामणुन्नेसुरूवेसु रागदोसनिग्गहं जणयइ तप्पच्चइयं कम्मं न वन्धइ पुत्ववद्धं च निज्जरेइ । सू० ६५-घाणिन्दियनिग्गहेणं भन्ते ! जीवे किं जणयइ ?
घाणिन्दियनिग्गहेणं मणुन्नामणुन्नेसु गन्धेसु रागदोसनिग्गहं जणयइ तप्पच्चइयं कम्मं न वन्धइ पुव्ववद्ध च निज्जरेइ। सू०.६६-जिभिन्दियनिग्गहेणं भन्ते ! जीवे कि जणयइ ?
जिभिन्दियनिग्गहेणं मणुन्नामणुन्नेसु रसेसु रागदोस
