________________
२१६
उत्तरायणं
?
सू० ४६ - वीयरागयाए णं भन्ते ! जीवे किं जणयइ वीरागयाएणं नेहाणुबन्धणाणि तण्हाणुवन्धणाणि य वोच्छिन्दइ मणुन्नेसु सद्दफरिसर सरूवगन्धेसु चेव विरज्जइ । सू० ४७ - खन्तीए णं भन्ते ! जीवे किं जणयइ ? खन्तीए णं परीसहे जिणइ ।
सू० ४८ - मुत्तीए णं भन्ते ! जीवे किं जणयइ ?
मुत्तीए णं अकिंचणं जणयइ । अकिंचणे य जीवे अत्थलोलाणं अपत्थणिज्जो भवइ ||
सू० ४८ - अज्जवयाए णं भन्ते ! जीवे किं जणयइ ?
अज्जवयाए णं काउज्जुययं भावुज्जुययं भासुज्जुययं अविसंवायणं जणयइ | अविसंवायणसंपन्नयाए णं जीवे धम्मस्स आराहए भवइ ।
सू० ५०- मद्दवयाए णं भन्ते ! जीवे किं जणयइ ?
मद्द्वयाए णं अणुस्सियत्तं जणयइ । अणुस्सियत्ते णं जीवे मिउमद्दवसंपन्ने अट्ठ मयट्ठाणाई निट्टवेइ |
सू० ५१–भावसच्चेणं भन्ते ! जीवे किं जणयइ ?
भावसच्चेणं भावविसोहि जणयइ । भावविसोहीए वट्टमाणे जीवे अरहन्तपन्नत्तस्स धम्मस्स आराहणयाए अभुट्टे इ । अरहन्तपन्नत्तस्स धम्मस्स आराहणयाए अब्भुट्टित्ता परलोगधम्मस्स आहए हवइ ।
सू० ५२ - करणसच्चेणं भन्ते ! जीवे किं जणयइ ?
करणसच्चेणं करणसत्ति जणयइ ।
वट्टमाणे जीवे जहावाई तहाकारी यावि भवइ । सू० ५३ – जोगसच्चेणं भन्ते ! जीवे किं जणयइ ? जोगसच्चेणं जोगं विसोहेइ ।
करणसच्चे
