________________
'अद्वारसमं अज्झयगं
१४६
अट्ठारसमं अज्झयणं
संजइज्जं कम्पिल्ले नयरे राया उदिण्णवलवाहणे । नामेणं संजए नाम. मिगव्वं उवणिग्गए ।। १ ।। हयाणीए गयाणीए रहाणीए तहेव य। पायत्ताणीए महया सव्वओ परिवारिए ॥ २ ॥ मिए छुभित्ता हयगओ कम्पिल्लुज्जाणकेसरे। भीए सन्ते मिए तत्थ वहेइ .. रसमुच्छिए ॥ ३ ॥ अह केसरम्मि उज्जाणे अणगारे तवोधणे । सज्झायज्झाणसंजुत्ते धम्मज्झाणं झियायई ॥ ४ ॥ अप्फोवमण्डवम्मि झायई झवियासवे । तस्सागए मिए पासं वहेई से नराहिवे ॥ ५ ॥ अह आसगओ राया खिप्पमागम्म सो तहिं । हए मिए उ पासित्ता अणगारं तत्थ पासई ॥ ६ ॥ अह राया तत्थ संभन्तो अणगारो मणाऽऽहओ। मए उ मन्दपुण्णणं रसगिद्धण · : घन्तुणा ।। ७ ।। आसं विसज्जइत्ताण अणगारस्स सो निवो। विणएण वन्दए पाए भगवं ! एत्थ मे खमे ॥ ८ ॥ अह मोणेण सो भगव अणगारे झाणमस्सिए । रायाणं न पडिमन्तेइ तओ राया भयद्दओ ।। ६॥
